వైసీసీ రాజ్య‌స‌భ అభ్య‌ర్ధులు వీళ్లే
ర‌క‌ర‌కాల ఊహ‌గానాల మ‌ధ్య వైసీపీ పార్ల‌మెంట‌రీ పార్టీ నేత విజ‌య‌సాయిరెడ్డికి మ‌రోసారి రాజ్య‌స‌భ చాన్స్ ద‌క్కింది. ఈ మేర‌కు మంగ‌ళ‌వారం సాయంత్రం అధికారిక ప్ర‌క‌ట‌న వెలువ‌డింది. వైసీపీ ద‌క్క‌నున్న నాలుగు రాజ్య‌స‌భ స్థానాల‌కు చెందిన అభ్య‌ర్ధుల‌ను ప్ర‌క‌టించారు. సీఎంతో భేటీ అనంత‌రం మంత్రి బొత్స స‌త్య‌నారాయ‌ణ, ప్ర‌భుత్వ స‌ల‌హాదారు స‌జ్జ‌ల రామ‌క్రిష్ణారెడ్డి ఈ పేర్ల‌ను ప్ర‌క‌టించారు. విజ‌యసాయిరెడ్డితోపాటు న్యాయ‌వాది నిరంజ‌న్ రెడ్డి, బీద మ‌స్తాన్ రావు, ఆర్. క్రిష్ణ‌య్య‌ల‌కు ఛాన్స్ ద‌క్కింది. సీఎం జ‌గ‌న్ తెలంగాణ..ఆ ప్రాంతం ఈ ప్రాంతం అని కాకుండా బ‌ల‌హీన వ‌ర్గాల వారికి ప్రాతినిధ్యం క‌ల్పిస్తున్నార‌ని తెలిపారు. నాలుగు సీట్ల‌లో రెండు వెన‌క‌బ‌డిన వ‌ర్గాల వారికి కేటాయించామ‌ని బొత్స స‌త్య‌నారాయ‌ణ తెలిపారు. స‌జ్జ‌ల రామ‌క్రిష్ణారెడ్డి మాట్లాడుతూ రాష్ట్ర చ‌రిత్ర‌లో ఎప్పుడూ ఇలాంటి నిర్ణ‌యం తీసుకోలేద‌ని అన్నారు.
