జగన్ ను ఆశీర్వదించి పంపిన విజయమ్మ
ప్రతిపక్ష టీడీపీ, జనసేన ల కంటే షర్మిల చేసే విమర్శలే అటు జగన్ ను..ఇటు వైసీపీ ని ఇరకాటంలోకి నెట్టిన సందర్బాలు ఎన్నో. దివంగత రాజశేఖర్ రెడ్డి చివరి కోరిక అయిన రాహుల్ గాంధీ ని ప్రధాని చేయటం అనే లక్ష్యం కోసమే తాను పని చేయనున్నట్లు షర్మిల ప్రకటిస్తున్నారు. మరో వైపు కేంద్రంలో కాంగ్రెస్ అధికారంలోకి వస్తే తొలి సంతకం ఆంధ్ర ప్రదేశ్ కు ప్రత్యేక హోదా పైనే పెడతారు అని షర్మిల చెపుతూ వస్తున్నారు. కేంద్రం మెడలు వంచి హోదా సాదిస్తానన్న జగన్ మాటలు ఏమీ అయ్యాయి...అధికారంలోకి వచ్చిన తర్వాత ఎప్పుడైనా దీనికోసం సిన్సియర్ గా పని చేశారా అంటూ షర్మిల ఎటాక్ చేస్తున్న విషాయం తెలిసిందే. కారణాలు ఏమైనా కానీ వైసీపీ అధినేత, సీఎం జగన్ ను విజయమ్మ ఆశీర్వదించి పంపటంతో ఆమె షర్మిల వైపు కాదు జగన్ వైపే ఉన్నారు అనే విషయం స్పష్టం అయింది వైసీపీ వర్గాలు చెపుతున్నాయి. ఇది పార్టీ నేతలకు, క్యాడర్ కు కూడా ఒక సందేశం పంపినట్లు అయిందే అనే అభిప్రాయం వ్యక్తం అవుతోంది.
