భోగాపురం ఎయిర్ పోర్ట్ ప్రాజెక్ట్ లో జగన్ డబల్ గేమ్
పోనీ ఒప్పందంలో ఏమైనా మార్పులు చేశారా అంటే ఏమి లేదు..కేవలం గత ప్రభుత్వం చెప్పిన దానికంటే ఒక ఐదు వందల ఎకరాల భూమి తగ్గించారు తప్ప మిగతా అంతా పాత నిబంధనలే అని అధికారులు చెపుతున్నారు. ఇక్కడ మరో కీలక విషయం ఏమిటి అంటే రైతుల దగ్గర నుంచి కారు చౌకగా తీసుకుని...ప్రభుత్వం నుంచి ఎన్నో రాయితీలు పొందిన కాకినాడ ఎస్ఈజెడ్ ప్రాజెక్టును జీఎంఆర్ ఇన్ఫ్రా జగన్ కు అస్మదీయ కంపెనీ అయిన ఆరబిందో రియాల్టీ కి విక్రయించింది. ఈ డీల్ పై అధికారులు కూడా విస్మయం వ్యక్తం చేశారు. స్వయంగా జగన్, అయన సలహాదారు అజయ్ కల్లం లు అవినీతి అని ఆరోపించి భోగాపురం ఎయిర్ పోర్ట్ ను మాత్రం జీఎంఆర్ కే కట్టబెట్టారు. తనకు నచ్చితే మాత్రం ఆర్థిక శాఖ అభ్యంతరాలను కూడా పట్టించుకోరు అన్న మాట. జీఎంఆర్ కు ప్రాజెక్ట్ కట్టబెట్టడం వెనక తెరవెనక చాలా కథలు నడిచాయని అధికార వర్గాలు చెపుతున్నాయి. అవినీతిని ఏ మాత్రం సహించేది లేదు అని చెప్పే జగన్ అన్ని ప్రోజెక్టుల విషయంలో ఒకే లాగా ఉండాలి కదా. కానీ తనకు లాభం ఉండే పనులు చేసుకుంటూ మిగిలిన వాటి విషయంలో మాత్రమే మరో రకంగా వ్యవహరిస్తున్నారు అనే చర్చ అధికార వర్గాల్లో సాగుతోంది.
