మోడీ కి ఎన్ డీఏ ఇప్పుడు గుర్తొచ్చిందా!
ఇది అంతా ఒక ఎత్తు అయితే ఆంధ్ర ప్రదేశ్ అసెంబ్లీ ఎన్నికల్లో కేవలం జనసేన, బీజేపీ లు మాత్రమే కలిసి ముందుకు వెళ్దాం అని జనసేన కు సంకేతం ఇస్తారా..లేక టీడీపీ ని కూడా కలుపుకుని వెళ్దాం అని చెపుతారా అన్నదే ఇప్పుడు కీలక అంశం కానుంది. వచ్చే ఎన్నికల్లో కేవలం బీజేపీ, జనసేన మాత్రమే కలిసి పోటీ చేయాలని బీజేపీ ప్రతిపాదిస్తే అది...పవన్ కళ్యాణ్ చెపుతున్న ప్రభుత్వ వ్యతిరేక ఓటు చీలకుండా చేస్తానని ప్రకటనకు విలువ లేకుండా పోతుంది. అప్పుడు క్లియర్ గా మోడీ కేవలం సీఎం జగన్ కు, వైసీపీ కి మేలు చేయటానికే ఈ నిర్ణయం తీసుకున్నారనే చర్చ తెరమీదకు వస్తుంది. దీనికి జనసేన అధినేత ఎంతవరకు ఓకే చెపుతారు ..కాదనే పరిస్థితి ఉంటుందా అన్నది వేచిచూడాల్సిందే. మరో వైపు కొంత మంది బీజేపీ నేతలే వచ్చే ఎన్నికల్లో టీడీపీ, జనసేన, బీజేపీ కలిసి ముందుకు సాగుతాయని చెపుతున్నారు. ఇప్పటికే దీనికి సంబంధించి కేంద్ర పార్టీ స్పష్టమైన సంకేతాలు ఇచ్చినట్లు ప్రచారం జరుగుతోంది. బీజేపీ తో పొత్తు రాజకీయంగా లాభం కంటే నష్టమే ఎక్కువ అనే చర్చ అటు టీడీపీ, జనసేనలో ఉన్నా కూడా కేంద్రంలో ఆ పార్టీ అధికారంలో ఉండటం ఒక్కటే దీనికి కారణం అనే వాదన తెర పైకి తెస్తున్నారు. ఎన్ డీఏ మీటింగ్ తర్వాత అయినా ఆంధ్ర ప్రదేశ్ లో పొత్తుల వ్యవహారం ఒక కొలిక్కి వస్తుందా లేదా అన్నది వేచూడాల్సిందే.
