పవన్ కళ్యాణ్ పిలుపుకు టాలీవుడ్ హీరోలు స్పందిస్తారా?!
ఇక్కడ రైతుకు కులం లేదు..కుల పరంగా మనలో మనం గొడవ పడొద్దు అని విజ్ఞప్తి చేస్తున్నా..సినిమాల విషయంలో ఎవరినైనా అబిమానించండి కానీ..రాజకీయాల విషయంలో సమిష్టిగా ఆలోచిద్దాం అని పవన్ కళ్యాణ్ పిలుపునిచ్చారు. పోరాటం చేసే వాళ్ళు సమాజానికి కావాలి అని...తాను ఒక్కడినే దీనికి సారిపోను అంటూ కామెంట్ చేయటం ప్రాధాన్యత సంతరించుకుంది. పవన్ కళ్యాణ్ గత కొన్ని రోజులుగా టాలీవుడ్ కు చెందినా టాప్ హీరోల పేర్లు ప్రస్తావించటం ఒక వ్యూహం ప్రకారమే చేస్తున్నట్లు కనిపిస్తోంది. తన ఫాన్స్ తో పాటు ఇతర హీరోల ఫాన్స్ ను కూడా తమ వైపు తిప్పుకోగలితే ఎక్కువ ప్రయోజనం ఉంటుంది అనేది పవన్ కళ్యాణ్ ఆలోచన అన్నది స్పష్టంగా కనిపిస్తోంది. ఇందులో తప్పు పెట్టాల్సింది ఏమి లేదు. కానీ ఇతర హీరో లు బహిరంగంగా బయటికి వచ్చి రాజకీయంగా పవన్ కళ్యాణ్ ప్రయత్నాలకు మద్దతు ఇస్తారో లేదో తెలియదు కానీ..అది జరగటానికి ముందే సొంత కుటుంబ సభ్యులు అయిన చిరంజీవి, రామ్ చరణ్, అల్లు అర్జున్ లు ఈ మేరకు ప్రకటన చేస్తారా అన్నది ఇప్పుడు అత్యంత కీలకం కానుంది. ఎందుకంటే సొంత మనుషులే బయటకు వచ్చి పవన్ కళ్యాణ్ కు మద్దదు ఇవ్వకపోతే ఇతర హీరో లు అసలు ఈ విషయం ఏ మాత్రం పట్టించుకోరు అనే విషయం తెలిసిందే. దీంతో పవన్ కళ్యాణ్ తాజాగా హీరో ల గురించి పదే పదే చేస్తున్న ప్రకటనల నేపథ్యంలో మెగా హీరో ల స్పందన అత్యంత కీలకం కానుంది.
