బిజెపి ఎంపీ సుజనా చౌదరిపై లుక్ ఔట్ నోటీసులు

అమెరికా పర్యటనకు బయలుదేరిన బిజెపి రాజ్యసభ సభ్యుడు సుజనా చౌదరికి ఇమ్మిగ్రేషన్ అధికారులు షాక్ ఇచ్చారు. లుక్ ఔట్ నోటీసులు ఉన్నందున దేశం వదిలి వెళ్ళటానికి వీల్లేదని తెలిపారు. ఓ బ్యాంక్‌ కుంభకోణం కేసులో సుజనాపై లుక్‌అవుట్‌ నోటీసులు జారీచేశారు. అమెరికాకు బయలుదేరిన సుజనాను శుక్రవారం ఢిల్లీ ఎయిర్‌పోర్టులో అడ్డుకున్నారు. ఈ నోటీసులపై సుజనా చౌదరి వెంటనే తెలంగాణ హైకోర్టును ఆశ్రయించారు. తనను అక్రమంగా అడ్డుకున్నారని, లుక్‌ఔట్‌ నోటీసులు రద్దు చేయాలని పిటిషన్‌ దాఖలు చేశారు.

బ్యాంక్‌ ఆఫ్‌ ఇండియాకు రూ.322.03 కోట్ల రుణం ఎగవేతకు సంబంధించి ఆయన కేసులు ఎదుర్కొంటున్నారు. వడ్డీతో కలిపి ఈ మొత్తం 400.84 కోట్లకు చేరుకోవడంతో వేలానికి నోటీసు ఇచ్చారు. తిరిగి చెల్లించాలని ఎన్నిసార్లు నోటీసులు ఇచ్చినా సుజనా చౌదరి స్పందించకపోవడంతో తనఖా పెట్టిన ఆస్తులను వేలం వేసేందుకు బ్యాంకు సిద్ధమైంది. సుజనా చౌదరిపై 2018లోనే మూడు ఎఫ్‌ఐఆర్‌లు నమోదు అయ్యాయి.