మరో సారి టార్గెట్ అయిన ఎన్టీఆర్
ఇంతటి కీలక కార్యక్రమానికి కేవలం షూటింగ్ పేరు చెప్పి స్కిప్ చేయటం ఏ మాత్రం సమర్థనీయం కాదు అని...షూటింగ్ ప్రమోషన్స్ లో హీరోలు అందరూ ప్రత్యేక విమానాల్లో తిరుగుతున్న ఈ రోజుల్లో ఎన్టీఆర్ ఇంతటి కీలక కార్యక్రమానికి షూటింగ్ పేరు చెప్పి తప్పించుకోవటం ఏ మాత్రం సరికాదు అనే చర్చ టీడీపీ వర్గాల్లో సాగుతోంది. షూటింగ్ అంటే ఎంతో మంది తో ముడిపడి ఉండే అంశమే..అందులో ఎలాంటి సందేహం లేదు..కానీ ఎన్టీఆర్ పేరుతో వంద రూపాయల నాణెం విడుదల అనేది కూడా అత్యంత కీలక ఘట్టమే. ఇలా వరసపెట్టి ఎన్టీఆర్ కార్యక్రమాలకు జూనియర్ దూరంగా ఉంటూ వస్తుండటంతో అటు తెలుగు దేశం పార్టీ తో పాటు ఇటు ఎన్టీఆర్ కుటుంబంతో కూడా జూనియర్ కు దూరం మరింత పెరిగింది అనే చర్చ సాగుతోంది. ఎన్టీఆర్ పేరు చెప్పుకుని సినీ పరిశ్రమలో రాణిస్తున్న తారక్ వరసగా ఇలా చేయటం వల్ల భవిష్యత్తులో ఆయనకే నష్టం జరిగే అవకాశం ఉంది అనే అభిప్రాయం వ్యక్తం అవుతోంది. ఒక సారి తప్పు జరిగితే పొరపాటు అనుకుంటారు అని..కానీ వరసగా ఇలా చేస్తుంటే మాత్రం కావాలని చేస్తున్నట్లు భావించే అవకాశాలే ఎక్కువ ఉంటాయని చెపుతున్నారు.
