కృష్ణా, గుంటూరు జిల్లాల వైసీపీ అభ్యర్థుల్లో టెన్షన్!
కానీ టీడీపీ, జనసేన, బీజేపీ కూటమి గెలిస్తే మాత్రం వెంటనే కాకపోయినా కూడా వచ్చే ఐదేళ్ల కాలంలో రాజధానికి ఒక రూపు రావటం ఖాయం అని చెప్పొచ్చు. ఈ మూడు పార్టీలు కూడా ఒకే రాజధాని అమరావతి అనే విధానానికి కట్టుబడి ఉన్న విషయం తెలిసిందే. మరో సారి ఛాన్స్ వస్తే అమరావతి విషయంలో ఈ సారి చంద్రబాబు గత టర్మ్ లో చేసిన తప్పు చేయకపోవచ్చేమో. రాజధాని అమరావతి విషయంలో జగన్ గతంలో ఈ ప్రాంత ప్రజలను నమ్మించి మోసం చేసినందున అది రాజకీయంగా తమపై ఎలా ప్రభావం చూపిస్తుందో అన్న భయం ప్రస్తుతం ఉమ్మడి కృష్ణా, గుంటూరు జిల్లాలతో పాటు ఆ చుట్టూ పక్కల జిల్లాలోని కొన్ని నియోజకవర్గాల అభ్యర్థుల్లో ఉంది. ఎన్నికల ప్రచారం పీక్ వెళ్లిన తర్వాత ఖచ్చితంగా ఈ అంశం తెరమీదకు రావటం ఖాయం అని చెపుతున్నారు. కారణాలు ఏమైనా కూడా రాష్ట్ర విభజన జరిగిన పదేళ్ల తర్వాత కూడా ఇంకా రాజధాని విషయంలో ఆంధ్ర ప్రదేశ్ ప్రజలు గందరగోళంలో ఉండాల్సిన పరిస్థితి ఏర్పడింది. మూడు రాజధానుల విషయం ఇప్పుడు సుప్రీం కోర్ట్ లో పెండింగ్ లో ఉన్నవిషయం తెలిసిందే. కనీసం ఎన్నికల ముందు అయినా విశాఖ కేంద్రంగా పాలన సాగించేందుకు జగన్ చేసిన ప్రయత్నాలు అన్నీ విఫలం అయ్యాయి. దీనికి సంబంధించి ఆయన పలు ముహుర్తాలు నిర్ణయించినా..ఒక్కటి కూడా కార్యరూపం దాల్చలేదు. మే 13 న జరగనున్న ఎన్నికల తర్వాతే ఆంధ్ర ప్రదేశ్ లో రాజధాని అనిశ్చితికి తెరపడే అవకాశం ఉంది అని చెప్పొచ్చు.
