కలిసిన లవ్ సిగ్నల్స్..వైసీపీ అధికారాన్ని జామ్ చేస్తాయా?!
ఆంధ్ర ప్రదేశ్ విషయానికి వస్తే కేంద్రంలోని బీజేపీ పెద్దలు ఏపీ సీఎం జగన్ విషయంలో సాఫ్ట్ గా ఉంటున్నారని ప్రచారం ఎప్పటినుంచో ఉంది. ఈ విషయం పవన్ ఇంత లేట్ గా గ్రహించారా అన్న కామెంట్స్ కూడా పొలిటికల్ సర్కిల్స్ లో ఉన్నాయి . ఇక్కడ మరో కీలక అంశం ఏమిటి అంతే టీడీపీ అధినేత చంద్రబాబు ఇటు జనసేన తో పాటు బీజేపీ తో కూడా పొత్తు కోరుకుంటున్నారు. దీనికి ప్రధాన కారణం ఆ పార్టీ వోట్ బ్యాంకు కంటే కేంద్రంలో ఆ పార్టీ అధికారం లో ఉన్నందున ఇది ఎంతో కొంత ఉపయోగంగా ఉంటుంది అనేది చంద్రబాబు ఆలోచన గా చెపుతున్నారు. అయితే కేంద్ర నాయకత్వం మాత్రం ఎవరు ఎన్ని చెప్పిన ఇప్పటికిప్పుడు జగన్ కి వ్యతిరేకంగా ఎలాంటి నిర్ణయాలు తీసుకోదని అభిప్రాయం రాజకీయ వర్గాల్లో ఉంది. జగన్ మరి బలహీన పడ్డారు అని ఆ పార్టీ భావిస్తే తప్ప ఇందులో ఎలాంటి మార్పులు ఉండవని అంటున్నారు. మొత్తానికి ఇంకా ఎన్నికలకు ఏడాదిన్నర సమయం ఉండగానే ఏపీలో ఎన్నికల వేడి ప్రారంభం అయినట్లే కనిపిస్తోంది .
