డాక్టర్లూ ఏపీపై దయ చూపండి..లేకపోతే యాడ్స్ ఆగేలా లేవు !

ఎంత పెద్ద ఉద్యోగానికి అయినా ఒక సారి నోటిఫికేషన్ ఇస్తారు. అవసరం ఉన్న వాళ్ళు అది చూసి అప్లై చేసుకుంటారు. అందులో సత్తా ఉన్న వారికి జాబ్ దక్కుతుంది. ఇది అందరికి తెలిసిన వ్యవహారం. కాకపోతే ఆంధ్ర ప్రదేశ్ సర్కారు తీరు చూసి అధికారులు కూడా షాక్ కు గురి అవుతున్నారు. స్పెషలిస్ట్ డాక్టర్ల నియామకం కోసం ఆంధ్ర ప్రదేశ్ వైద్య ఆరోగ్య శాఖ వరసగా యాడ్స్ ఇస్తూ పోతోంది. ఈ యాడ్స్ ఇప్పటికే పలు మార్లు పత్రికల్లో దర్శనం ఇచ్చాయి. మరో సారి గురువారం నాడు కూడా రిపీట్ అయ్యాయి. ఇది చూసిన ఒక అధికారి డాక్టర్లు దయచేసి ఆంధ్ర ప్రదేశ్ ఇస్తున్న ఆఫర్లు ఉపయోగించు కోవాలి లేక పోతే సర్కారు డబ్బు అంతా ఈ యాడ్స్ కింద ఖర్చు అయ్యేలా ఉందని ఎద్దేవా చేశారు. ఎందుకు అంటే ఈ యాడ్స్ ఒక్క ఆంధ్ర ప్రదేశ్ లోనే కాకుండా తెలంగాణాలో కూడా దర్శనం ఇస్తున్నాయి. తెలుగు, ఇంగ్లీష్ పత్రికల్లో పలు మార్లు యాడ్స్ఇచ్చినా వీటిపై ఎవరు స్పందిస్తున్నట్లు లేరనే చర్చ కూడా సాగుతోంది.

దీనికి కూడా చాలా కారణాలు ఉన్నాయి. చాలా రోజులుగా ఆంధ్ర ప్రదేశ్ లో ఉద్యోగులకు సకాలంలో జీతాలు అందటం లేదు. అంతే కాదు...వాళ్ళు పొదుపు చేసుకున్న మొత్తాలను కూడా ఇవ్వకుండా సర్కారు గతంలో ఎన్నడూ లేని రీతిలో వాళ్ళను ఇబ్బందులకు గురి చేస్తోంది. నిత్యం ఈ వార్తలు మీడియాలో వస్తున్నాయి. ఈ తరుణంలో ఆంధ్ర ప్రదేశ్ ప్రభుత్వం స్పెషలిస్ట్ డాక్టర్లూ గా ఉన్నవారు జీతాలు లేని ఆంధ్ర ప్రదేశ్ కి వచ్చి ఎందుకు సమస్యలు కొని తెచ్చుకుంటారు అని ఒక ఐఏఎస్ అధికారి వ్యాఖ్యానించారు. డాక్టర్లు కూర్చున్న చోటే డబ్బులు సంపాదించే అవకాశం ఉన్నపుడు ఏ మాత్రం రాష్ట్ర ఆర్థిక పరిస్థితి బాగాలేదని తెలిసి తెలిసి వచ్చి ఇక్కడ చేరతారా అని మరో అధికారి ప్రశ్నించారు. ప్రభుత్వం పదే పదే ఇదే అంశంపై కోట్లు ఖర్చుపెట్టి యాడ్స్ ఇస్తుంది అంటేనే పరిస్థితి అర్ధం చేసుకోవచ్చని చెపుతున్నారు.