షర్మిల చంద్రబాబు స్టార్ క్యాంపెయినర్
అయితే తనకు మాత్రం తన పథకాల లబ్ధిదారులే స్టార్ క్యాంపెయినర్ లు అంటూ..తనకు రికార్డు స్థాయిలో ఎవరకి లేనంత మంది స్టార్ క్యాంపెయినర్ లు ఉన్నారని చెప్పుకున్నారు. జగన్ తీరు ఇలా ఉంటే మంగళవారం నాడు శ్రీకాకుళం జిల్లా లో పర్యటించిన షర్మిల మాత్రం సీఎం జగన్ పై డైరెక్ట్ ఎటాక్ మోడల్ నే ఫాలో అయ్యారు. ఆంధ్ర ప్రదేశ్ లోని జగన్ ప్రభుత్వం బీజేపీ కి ఊడిగం చేస్తుంది అని ఆరోపించారు. ఇరవై ఐదు మంది ఎంపీలు ఉంటే ప్రత్యేక హోదా ఎలా రాదో చూస్తా...కేంద్రం మెడలు వంచుతా అన్న జగన్ మాటలు ఏమి అయ్యాయని ప్రశ్నించారు. ఏపీ లో బీజేపీకి ఒక్క ఎమ్మెల్యే లేకపోయినా ప్రభుత్వం వాళ్ళ చేతుల్లో ఉంది అని సంచలన వ్యాఖలు చేశారు. షర్మిల తన విమర్శల ద్వారా బీజేపీ, వైసీపీ ఒకటే అని చెప్పే ప్రయత్నం చేసినట్లు కనిపిస్తోంది. రాహుల్ గాంధీ ప్రధాని అయితే తొలి సంతకం ఆంధ్ర ప్రదేశ్ కు ప్రత్యేక హోదాపై సంతకం పెడతారు అన్నారు. వైసీపీ నేత వై వి సుబ్బారెడ్డి చేసిన సవాల్ పైన కూడా షర్మిల స్పందించారు. రాష్ట్రంలో ఎక్కడ అభివృద్ధి జరిగిందో చూపిస్తే రావటానికి తాము సిద్ధం అని...తేదీ, టైం అయన చెప్పినా ఓకే....తనను చెప్పమన్న ఓకే అంటూ కౌంటర్ ఇచ్చారు. ఇలా ఒకే రోజు అన్న, చెల్లెలి మధ్య సాగిన రాజకీయ విమర్శలు ఆసక్తికరంగా మారాయి. ఈ ట్రెండ్ చూస్తుంటే రాబోయే రోజుల్లో ఇది మరింత పెరిగే సూచనలు కనిపిస్తున్నాయి.
