మారుతికి పదిహేనేళ్ళలో తొలిసారి 249 కోట్ల నష్టం

మారుతి సుజుకి. దేశంలోనే నెంబర్ వన్ కార్ల తయారీ కంపెనీ. ఈ సంస్థ గత పదిహేను సంవత్సరాల్లో తొలిసారి నష్టాలు మూటకట్టుకుంది. కోవిడ్ 19 ప్రభావం, లాక్ డౌన్లు మారుతిని నష్టాల బాట పట్టించాయి. ఈ ఆర్ధిక సంవత్సరం తొలి త్రైమాసికంలో అంటే ఏప్రిల్-జూన్ కాలంలో 249 కోట్ల రూపాయల నష్టాన్ని నమోదు చేసింది. అంతకు ముందు ఏడాది ఇదే కాలంలో కంపెనీ లాభం ఏకంగా 1436 కోట్ల రూపాయలు ఉంది. కరోనా దెబ్బ ఆటోమొబైల్ రంగంపై పెద్ద ఎత్తున పడిన విషయం తెలిసిందే.