ఫస్ట్ టైం 2000 రూపాయలు దాటిన షేర్లు

స్టాక్ మార్కెట్ లో ప్రముఖ ఫార్మా కంపెనీ లారస్ లాబ్స్ షేర్లు మరో రికార్డు నమోదు చేశాయి. గత కొన్ని కొన్ని నెలలుగా ఇన్వెస్టర్లకు మంచి ప్రతిఫలాన్ని ఇచ్చిన ఈ కంపెనీ సోమవారం నాడు మరో కొత్త మైలు రాయిని అందుకుంది. ఫస్ట్ టైం లారస్ షేర్లు 2000 రూపాయలను అధిగమించింది. బిఎస్ ఈ లో ఈ షేర్ ధర 52 వారాల రికార్డు ధర 2023 రూపాయలకు చేరింది. తర్వాత లాభాల స్వీకరణతో ఫైనల్ గా 63 రూపాయల లాభంతో 2018 రూపాయల వద్ద ముగిసింది. ఈ షేర్ లో గత కొంత కాలంగా విదేశీ సంస్థ గత ఇన్వెస్టర్లు (ఎఫ్ఐఐలు) తమ వాటా పెంచుకుంటున్నట్లు మార్కెట్ వర్గాలు వెల్లడించాయి.

అదే సమయంలో సిడీఎంఓ విభాగంలో మంచి వృద్ధి అవకాశాలు ఉండటం వంటివి కంపెనీకి కలిసి వస్తున్నాయి. రాబోయే రోజుల్లో కూడా కంపెనీ షేర్ ధరలో జోష్ కొనసాగే అవకాశం ఉంది అనే అంచనాలు ఉన్నాయి. ఒక వైపు అంతర్జాతీయంగా ఉద్రిక్త పరిస్థితులు ఉన్నా కూడా చమురు ధరలు గణనీయంగా తగ్గటంతో సోమవారమే నాడు మార్కెట్ లాభాలను గడించింది. బిఎస్ఈ సెన్సెక్స్ 564 పాయింట్ల లాభంతో 74859 పాయింట్ల వద్ద ముగిసింది. సెన్సెక్స్ లోని ఎక్కువ షేర్లు లాభాలను గడించాయి.