Telugu Gateway

'భరత్ అనే నేను' స్పూర్తితో జరిమానాల వడ్డింపులు

భరత్ అనే నేను స్పూర్తితో జరిమానాల వడ్డింపులు
X

ఏపీ సర్కారు ఫిక్స్ చేసిన జరిమానాలు చూస్తే ఎవరికైనా ఇదే అనుమానం రాకమానదు. సర్కారు ఖజానా నింపుకునేందుకు జరిమానాల మార్గాన్ని ఎంచుకున్నట్లు కన్పిస్తోంది. అయితే ఈ జరిమానాలు అమలు చేస్తే వాహనదారుల స్పందన ఎలా ఉంటుందో వేచిచూడాల్సిందే. ప్రస్తుతం రాజధానిగా ఉన్న విజయవాడ ప్రాంతంలో వాహనదారుల క్రమశిక్షణ ఎలా ఉంటుందో అందరికీ తెలిసిందే.

మరి ఈ జరిమానాల ప్లాన్ వర్కవుట్ అవుతుందా?.లేక మధ్యలోనే సర్కారు నిర్ణయం మార్చుకుంటుందో వేచిచూడాల్సిందే. కానీ సర్కారు నిర్ణయించిన జరిమానాలు చూస్తే మాత్రం ఎవరికైనా షాక్ తగలాల్సిందే. బుధవారం నాడు ఏపీ సర్కారు మోటార్ వాహనాల నిబంధనల ఉల్లంఘన పై జరిమానాలు పెంచుతూ ఉత్తర్వులు జారీ చేసింది. జరిమానాల వివరాలు ఇలా ఉన్నాయి.

వాహన చెకింగ్ విధులకు ఆటంకం కలిగిస్తే - రూ. 750

సమాచారం ఇవ్వడానికి నిరాకరించినా - రూ. 750

అనుమతి లేని వ్యక్తులకి వాహనం ఇస్తే - రూ. 5000

అర్హత కంటే తక్కువ వయస్సు వారికి వాహనం ఇస్తే - రూ. 5000

డ్రైవింగ్ లైసెన్స్ పొందే అర్హత లేని వారికి వాహనం ఇస్తే - రూ. 10000

రూల్స్ కి వ్యతిరేకంగా వాహనాల్లో మార్పులు చేస్తే - రూ. 5000

వేగంగా బండి నడిపితే - రూ. 1000

సెల్ ఫోన్ డ్రైవింగ్, ప్రమాదకర డ్రైవింగ్ - రూ. 10000

రేసింగ్ మొదటిసారి రూ. 5000, రెండో సారి రూ. 10000

రిజిస్ట్రేషన్ లేకున్నా, ఫిట్నెస్ సర్టిఫికేట్ లేకున్నా - మొదటిసారి రూ. 2000, రెండో సారి రూ. 5000

పర్మిట్ లేని వాహనాలు వాడితే - రూ. 10000

ఓవర్ లోడ్ - రూ.20000 ఆపై టన్నులు రూ. 2000 అదనం

వాహనం బరువు చెకింగ్ కోసం ఆపక పోయినా - రూ. 40000

ఎమర్జెన్సీ వాహనాలకు దారి ఇవ్వకుంటే - రూ. 10000

అనవసరంగా హారన్ మోగించినా - మొదటిసారి రూ. 1000, రెండోసారి రూ. 2000 జరిమానా

రూల్స్ కి వ్యతిరేకంగా మార్పు చేర్పులు చేస్తే తయారీ సంస్థలకు లేదా డీలర్లకు, అమ్మినినవారికి - రూ. లక్ష

Next Story
Share it