విద్యుత్ వ్యవహారం బిఆర్ఎస్ కు షాక్ ఇస్తుందా?!
ఈ తరుణంలో కెసిఆర్ ఈ విచారణ నిష్పాక్షికతపై అనుమానాలు ఉన్నాయని...ఈ విచారణ కమిషన్ ఏర్పాటు చేస్తూ జారీ చేసిన జీఓ ను రద్దు చేయాలని కోరుతూ హై కోర్టు లో కెసిఆర్ పిటీషన్ వేశారు. అన్ని నిబంధనల ప్రకారమే జరిగాయని చెప్పుకొచ్చారు. మరి అలాంటప్పుడు కెసిఆర్ ఈ విచారణ విషయంలో ఎందుకింత ఆందోళన చెందుతున్నారు అనే ప్రశ్న ఉదయించకమానదు. కమిషన్ కు తాను సమగ్ర వివరాలతో లేఖ రాసినా కూడా కమిషన్ చైర్మన్ గా నరసింహ రెడ్డి కొనసాగటం రాజ్యాంగ విరుద్ధం అని కెసిఆర్ తన పిటీషన్ లో పేర్కొన్నారు. అధికారంలో ఉన్నంత కాలం ఎన్నో సవాళ్లు విసిరిన కెసిఆర్ ఇప్పుడు విచారణ అనగానే లేఖలు రాయటం, కోర్టు లను ఆశ్రయించటంతో ఈ వ్యవహారంలో మొత్తానికి ఏదో జరిగి ఉంటుంది అనే అనుమానాలు వ్యక్తం అవుతున్నాయి అనే చెప్పాలి. మరి హై కోర్టు లో కెసిఆర్ కు ఊరట లభిస్తుందో లేదో కొద్ది రోజులు పోతే కానీ తెలియదు. బిఆర్ఎస్ హయాంలో ఈ తప్పు జరగకపోతే అటు నరసింహ రెడ్డి కమిషన్ అయినా ఎవరైనా ఏమీ చేయలేరు. అయితే కెసిఆర్ చెపుతున్న మాటలకు బిన్నంగా విద్యుత్ రంగ నిపుణులు కమిషన్ ముందు వాస్తవాలు వెల్లడిస్తున్నారు. అసలు ఛత్తీస్ గడ్ విద్యుత్ కొనుగోలుకు సంబంధించి ఈఆర్ సి తుది అనుమతులు లేవు అని కొంత మంది కమిషన్ ముందు వెల్లడించిన సంగతి తెలిసిందే.
