గుంటూరు కారం మూవీ రివ్యూ (Guntur karam movie review )
సంక్రాంతి సినిమాల్లో ఎక్కువ హైప్ వచ్చిన సినిమా ఏదైనా ఉంది అంటే అది గుంటూరు కారమే. దీనికి ప్రధాన కారణం మహేష్ బాబు, త్రివిక్రమ్ శ్రీనివాస్ కాంబినేషన్ కావటం...నిర్మాణ సంస్థ హాసినీ అండ్ హారిక క్రియేషన్స్ కావటం మరొకటి. ఎందుకంటే ఈ నిర్మాణ సంస్థ సినిమాల విషయంలో ఏ మాత్రం రాజీపడదు. ఈ పండగ సినిమాల విషయానికి వస్తే అందరి కళ్ళు మహేష్ బాబు సినిమాపైనే ఉన్నాయనే చెప్పాలి. తెలంగాణ లో అయితే ఒంటి గంట నుంచే ప్రత్యేక షోస్ తో ఈ సినిమా సందడి ప్రారంభం అయింది. దర్శకుడు త్రివిక్రమ్ సినిమాలు అన్నీ ఒక లైన్ చుట్టే తిరుగుతుంటాయి;..ఆస్థి పత్రాలపై సంతకాలు...కంపెనీలను బలవంతంగా తీసుకునే వాళ్ళతో హీరో ఆడుకోవటం వంటివి ఇప్పటికే పలు సినిమాల్లో చూశాం. అత్తారింటికి దారేది దగ్గర నుంచి...సన్ అఫ్ సత్యమూర్తి, అల వైకుంఠపురం అన్నిటి లైన్ ఇంచుమించు ఒకటే. ప్రతి సినిమాలో పాత్రలు కూడా అలాగే ఉంటాయి. గుంటూరు కారం విషయంలో కూడా దర్శకుడు ఇదే లైన్ తీసుకుని కథ నడిపించేశాడు. అయితే ఈ సినిమా విషయానికి వస్తే రాజకీయాలను ముడిపెట్టి...ఇక్కడ మరో ఒప్పందాన్ని తెరమీదకు తెస్తారు. దీంతోనే అక్కడక్కడ తనదైన స్టైల్ డైలాగులతో సినిమాను నడిపిస్తాడు. అయితే గత సినిమాలతో పోలిస్తే గుంటూరు కారం సినిమా ను అంత గ్రిప్పింగ్ గా తెరకెక్కించడంలో దర్శకుడు విఫలం అయ్యాడు అనే చెప్పాలి.
2.5/5 రేటింగ్
