వివాదాలు లోడింగ్!
పాన్ ఇండియా హీరో యష్ గతంలోఎప్పుడూ వివాదాల్లో ఇరుక్కోలేదు. యష్ నటిస్తున్న కొత్త సినిమా టాక్సిక్ విషయంలో మాత్రం మొదటి నుంచి వివాదాలు ఆయన చుట్టూ తిరుగుతున్నాయి. దీనికి ప్రధాన కారణం ఇందులోని హింస...శృతిమించిన శృంగార సన్నివేశాలు. ఇప్పటికే ఈ సినిమా నుంచి విడుదల అయిన కంటెంట్ అంతా కూడా సంచలనంగా మారిన విషయం తెలిసిందే. దర్శకురాలు గీతూ మోహన్ దాస్ తెరక్కించిన ఈ టాక్సిక్ మూవీకి సంబంధించి శనివారం నాడు కీలక అప్డేట్ ఇచ్చారు. అది ఏంటి అంటే ఈ సినిమా ట్రైలర్ ఆగస్ట్ 8 న విడుదల చేయనున్నారు. దీనికి సంబంధించి యష్ న్యూ లుక్ తో కూడిన పోస్టర్ ను విడుదల చేశారు. ఈ సినిమా ఆగస్ట్ 26 న ప్రపంచ వ్యాప్తంగా ప్రేక్షకుల ముందుకు రాబోతోంది. ఫస్ట్ ఈ సినిమాను ఈ ఏడాది మార్చి లో విడుదల చేయాలని నిర్ణయించారు..తర్వాత దీన్ని జూన్ కు మార్చారు.
