Telugu Gateway
Cinema

విజయదేవరకొండ 'లైగర్' లుక్ విడుదల

విజయదేవరకొండ లైగర్ లుక్ విడుదల
X

సంచలన దర్శకుడు పూరీ జగన్నాథ్ తెరకెక్కిస్తున్న సినిమాకు సంబంధించిన టైటిల్ ను..ఫస్ట్ లుక్ ను చిత్ర యూనిట్ సోమవారం నాడు విడుదల చేసింది. బాలీవుడ్ ప్రముఖుడు కరణ్ జోహర్ తోపాటు ఛార్మీ కౌర్, అపూర్వ మెహతా తదితరులు ఈ సినిమాను సంయుక్తంగా నిర్మిస్తున్నారు. వాస్తవానికి ఈ పాన్ ఇండియా సినిమా టైటిల్ 'ఫైటర్'గా ప్రచారం జరిగినా చిత్ర యూనిట్ అధికారికంగా 'లైగర్' అని ప్రకటించింది. లైగర్ అంటే లయన్ ప్లస్ టైగర్ అని అర్ధం వచ్చేలా లుక్ లో ఆ రెండు ఫోటోలతోపాటు బాక్సర్ లుక్ లో ఉన్న విజయదేవరకొండ కన్పిస్తారు.

ట్యాగ్ లైన్ గా సాలా క్రాస్ బ్రీడ్ అని పెట్టారు. ఈ సినిమాలో విజయదేవరకొండకు జోడీగా అనన్యపాండే నటిస్తోంది. ఇప్పటికే ముంబయ్ లో చాలా రోజులు షూటింగ్ పూర్తి చేసుకున్నారు. కరోనా దెబ్బతో అన్ని సినిమాల తరహాలోనే ఈ సినిమా షూటింగ్ కూడా ఆగింది. ప్రస్తుతం అంతా సాధారణ స్థితికి రావటంతో మళ్లీ సినిమా పనులు ప్రారంభించారు. అందులో భాగంగా ఫస్ట్ లుక్ ను విడుదల చేసి విజయ్ ఫ్యాన్స్ ను కుషీ చేశారు. ఇది విజయదేవరకొండ పదవ సినిమా.

Next Story
Share it