వరుణ్ తేజ్ కెరీర్ లోనే రికార్డు !

కొరియన్ కనకరాజు మూవీ ఫస్ట్ డే బాక్స్ ఆఫీస్ దగ్గర దుమ్మురేపింది. మేర్లపాక గాంధీ దర్శకత్వంలో తెరకెక్కిన ఈ మూవీలో వరుణ్ తేజ్, రితికా నాయక్ లు జంటగా నటించారు. ఈ సినిమా విజయంలో కమెడియన్ సత్య కీలక పాత్ర పోషించాడు. ముఖ్యంగా హీరో వరుణ్ తేజ్, సత్య ల కాంబినేషన్ లో వచ్చిన కామెడీ సీన్స్ ప్రేక్షకులను ఆకట్టుకున్నాయి. ముఖ్యంగా సినిమా ఫస్ట్ హాఫ్ లో ఉన్న ఈ కామెడీనే ఈ మూవీని నిలబెట్టింది. కొరియన్ కనకరాజు మూవీ ఫస్ట్ డే ప్రపంచ వ్యాప్తంగా 10 .20 కోట్ల రూపాయల వసూళ్లు సాధించింది.గురువారం రాత్రి వేసిన ప్రీమియర్స్ తో కలుపుకుని ఈ మొత్తం సాధించినట్లు చిత్ర యూనిట్ అధికారికంగా వెల్లడించింది.

వరుణ్ తేజ్ కెరీర్ లోనే తొలిరోజు అత్యధిక వసూళ్లు సాధించిన మూవీ కూడా ఇదే అని వెల్లడించారు. నాన్ -స్టాప్ ఎంటర్టైనర్ గా ఉన్న తమ మూవీ ని థియేటర్లకు వచ్చి చూస్తున్న ప్రేక్షకులకు చిత్ర నిర్మాణ సంస్థ యూ వీ క్రియేషన్స్ కృతజ్ఞతలు తెలిపింది. థమన్ అందించిన బ్యాగ్రౌండ్ మ్యూజిక్ కూడా సినిమా విజయంలో కీలకంగా మారింది. వీకెండ్ బుకింగ్స్ కూడా ఆశాజనకంగా ఉండటంతో కొరియన్ కనకరాజు మూవీ కలెక్షన్స్ రాబోయే రోజుల్లో మరింత పెరగటం ఖాయంగా చెపుతున్నారు. గత కొంత కాలంగా సరైన హిట్ లేక ఇబ్బందిపడుతున్న వరుణ్ తేజ్ కు కొరియన్ కనకరాజు మంచి బ్రేక్ ఇచ్చింది అనే చెప్పాలి.