దేవర రికార్డులపై అందరిలో ఆసక్తి !
దేవర సినిమా ట్రైలర్ కూడా ఈ సినిమాపై అంచనాలు పెంచింది అనే చెప్పాలి. కొంత మంది సోషల్ మీడియా లో దర్శకుడు కొరటాల శివ గత సినిమా ఆచార్య ను తెరమీదకు తెచ్చి నెగిటివ్ ప్రచారం చేసే ప్రయత్నం చేస్తున్నా ఇవేమి పెద్దగా వర్క్ అవుట్ అవుతున్న దాఖలాలు లేవు. అయితే దేవర సినిమా విషయంలో అటు దర్శకుడు కొరటాల శివ, ఇటు ఎన్టీఆర్ లకు టెన్షన్ మాత్రం తప్పదు అనే చెప్పాలి. ఎందుకంటే ఈ సినిమా ఫలితం వాళ్ళ భవిష్యత్ ప్రాజెక్ట్ లపై ఉంటుంది కాబట్టి. ఆంధ్ర ప్రదేశ్ ప్రభుత్వం ఇప్పటికే దేవర సినిమా కు రిలీజ్ రోజు అర్ధరాత్రి పన్నెండు గంటల షో తో పాటు టికెట్ రేట్ల పెంపునకు కూడా ఆమోదం తెలిపిన విషయం తెలిసిందే. తెలంగాణ లో ఇంకా దీనికి సంబంధించి అనుమతులు రావాల్సి ఉంది. ఎన్టీఆర్, కొరటాల శివ కాంబినేషన్ లో వచ్చిన జనతా గ్యారేజ్ బాక్స్ ఆఫీస్ వద్ద మంచి విజయాన్ని దక్కించుకున్న విషయం తెలిసిందే. ఇప్పుడు మళ్ళీ వీళ్ళిద్దరి కాంబినేషన్ లో వస్తున్న దేవర కూడా అదే తరహాలో హిట్ కొడుతోంది అనే ధీమాలో ఎన్టీఆర్ ఫ్యాన్స్ ఉన్నారు.
