తగ్గేదే లేదు అంటున్న రవి తేజ
వచ్చే సంక్రాంతి రేస్ లో నిలిచే సినిమాలు అన్ని ఇప్పటికే డేట్స్ లాక్ చేసుకున్నాయి. ఫస్ట్ పాన్ ఇండియా హీరో ప్రభాస్ సినిమా రాజాసాబ్ జనవరి 9 న వస్తుంటే..చిరంజీవి హీరోగా నటించిన మన శంకర వరప్రసాద్ గారు సినిమా జనవరి 12 న ప్రేక్షకుల ముందుకు రానుంది. ఇటీవలే అధికారికంగా ఈ డేట్ అనౌన్స్ చేశారు. నవీన్ పోలిశెట్టి సినిమా అనగనగ ఒక రాజు జనవరి పద్నాలుగున విడుదల అవుతుంటే...అదే రోజు సాయంత్రం శర్వానంద్ హీరో గా నటించిన నారీ నారీ నడుమ మురారి రిలీజ్ కు ముహూర్తం ఫిక్స్ చేశారు. ఇన్ని సినిమా ల మధ్య రవితేజ హీరోగా నటించిన భర్త మహాశయులకు విజ్ఞప్తి సినిమా వస్తుందా..వాయిదా పడుతుందా అనే అనుమానాలు ఉన్నాయి. కానీ రవితేజ ఏ మాత్రం తగ్గేది లేదు అంటూ జనవరి 13 వ తేదీని లాక్ చేసుకున్నారు.
