సలార్ తొలి రోజు వసూళ్లు 175 కోట్లు
సలార్ సినిమా తొలి రోజు వసూళ్లు దుమ్మురేపాయి. ప్రశాంత్ నీల్ దర్శకత్వంలో తెరకెక్కిన ఈ సినిమాలో ప్రభాస్, పృద్విరాజ్ సుకుమారన్ లు కీలక పాత్రలు పోషించారు. కెజీఎఫ్ 2 తర్వాత ప్రశాంత్ నీల్, ప్రభాస్ కాంబినేషన్ సినిమా కావటంతో దేశ వ్యాప్తంగా ఈ మూవీ పై భారీ అంచనాలు ఏర్పడ్డాయి. దీనికి అనుగుణంగా ప్రపంచ వ్యాప్తంగా 175 కోట్ల రూపాయల గ్రాస్ వసూళ్లు రాగా..ఒక్క భారత్ లోనే 95 కోట్ల రూపాయల వసూళ్లు సాధించినట్లు పరిశ్రమ వర్గాలు చెపుతున్నాయి. సలార్ పై ఉన్న హైప్...వరస సెలవుల కారణంగా ఈ సినిమా ఈజీగా వెయ్యి కోట్ల మార్క్ ను అధిగమిస్తుంది అని భావిస్తున్నారు.
