'రైజ్ ఆఫ్ శ్యామ్ వ‌చ్చేసింది'

నాని హీరోగా న‌టిస్తున్న సినిమా 'శ్యామ్ సింగ రాయ్' . ఈ సినిమాకు సంబంధించి రైజ్ ఆఫ్ శ్యామ్ పేరుతో తొలి లిరిక‌ల్ సాంగ్ ను చిత్ర యూనిట్ శ‌నివారం నాడు విడుద‌ల చేసింది. 'శ్యామ్ సింగ రాయ్.. ఎగసిపడే అలజడివాడే.. తిరగబడే సంగ్రామం వాడే.. వెనకబడని చైతన్యం వాడే'' అంటూ సాగే ఈ పాట ఆక‌ట్టుకునేలా ఉంది. రాహుల్‌ సంకృత్యాన్‌ దర్శకత్వంలో తెర‌కెక్కుతున్న ఈ సినిమాను వెంకట బోయనపల్లి నిర్మిస్తున్నారు.

ఈ సినిమాలో సాయి పల్లవి, కృతి శెట్టి, మడోన్నా సెబాస్టిన్‌ హీరోయిన్లు. 1970ల కాలం నాటి కలకత్తా బ్యాక్ డ్రాప్ లో హై వోల్టేజ్ పీరియాడికల్ యాక్షన్ ఎంటర్టైనర్ గా ఈ చిత్రాన్ని రూపొందిస్తున్నారు. డిసెంబ‌ర్ 24న చిత్రాన్ని విడుద‌ల చేయ‌నున్నారు. విడుద‌ల తేదీ ద‌గ్గ‌ర ప‌డుతుండ‌డంతో నిర్మాత‌లు ప్ర‌మోష‌న్స్ స్పీడ్ పెంచారు. మిక్కీ జే మేయర్ స్వారాలు అందించిన ఈ పాటకు కృష్ణకాంత్ సాహిత్యాన్ని అందించగా.. విశాల్ దద్లాని, అనురాగ్ కులకర్ణి పాడారు.