వసూళ్ల దూకుడు ఎక్కడ ఆగుతుందో !

రామాయణ సినిమా బాక్స్ ఆఫీస్ దగ్గర దుమ్మురేపుతోంది. రణబీర్ కపూర్ రాముడిగా...సాయి పల్లవి సీతగా...రావణుడిగా యష్ నటించిన ఈ సినిమాకు విడుదల అయిన దగ్గర నుంచే మంచి పాజిటివ్ బజ్ క్రియేట్ అయింది. దీంతో ప్రపంచ వ్యాప్తంగా ఈ సినిమాకు వస్తున్న కలెక్షన్స్ కూడా అలాగే ఉన్నాయి. నవంబర్ 5 న ప్రపంచ వ్యాప్తంగా ప్రేక్షకుల ముందుకు వచ్చిన ఈ సినిమా ఇప్పటికే వెయ్యి కోట్ల రూపాయల మార్క్ ను దాటి 1035 కోట్ల రూపాయల గ్రాస్ వసూళ్లను సాధించింది. చిత్ర యూనిట్ కూడా వెయ్యి కోట్ల రూపాయల మార్క్ ను దాటిన విషయాన్ని నిర్దారిస్తూ న్యూ లుక్స్ విడుదల చేసింది.

నితీష్ తివారి దర్శకత్వంలో తెరకెక్కిన ఈ మూవీ లో ముఖ్యంగా విజువల్స్ ప్రేక్షకులను అద్భుతంగా ఆకట్టుకున్నాయి . మరో వైపు యష్ పోషించిన రావణుడి పాత్రకు ప్రేక్షకుల నుంచి పెద్ద ఎత్తున ప్రశంసలు దక్కగా..సినిమా విజయంలో ఇది ఎంతో కీలక పాత్ర పోషించింది. రాముడిగా రణబీర్ కపూర్ కూడా ఆకట్టుకున్నాడు. ముందు నుంచి కూడా సీత పాత్ర పోషించిన సాయి పల్లవి పై సోషల్ మీడియా లో పెద్ద ఎత్తున విమర్శలు వెల్లువెత్తాయి. సినిమా విడుదల తర్వాత కూడా అదే ట్రెండ్ కొనసాగింది. అయినా కూడా ఇవేమి సినిమా కలెక్షన్స్ పై పెద్దగా ప్రభావం చూపించలేకపోయి అనే చెప్పాలి. విడుదల అయినప్పటి నుంచి రామాయణ మూవీ కొత్త కొత్త రికార్డు లను నమోదు చేస్తోంది.