నార్త్ అమెరికా ప్రీ సేల్స్ దూసుకెళుతున్న పెద్ది

రామ్ చరణ్ సినిమా పెద్ది మూవీ ప్రీ సేల్స్ లోనే దుమ్మురేపటం మొదలు పెట్టింది. పలు మార్లు వాయిదా పడిన ఈ సినిమా ఫైనల్ గా జూన్ 4 న ప్రపంచ వ్యాప్తంగా ప్రేక్షకుల ముందుకు రానున్న విషయం తెలిసిందే. అమెరికా లో ప్రీమియర్స్ జూన్ 3 నే మొదలు కానున్నాయి. తెలుగు రాష్ట్రాల్లో కూడా ప్రీమియర్స్ కు సన్నాహాలు చేస్తున్నారు. ఇప్పటికే ఓవర్సీస్ బుకింగ్స్ ఓపెన్ కాగా... ఉత్తర అమెరికా లో పెద్ది రికార్డు లు నమోదు చేస్తోంది. పెద్ది మూవీ అత్యంత వేగంగా లక్ష డాలర్ల మేర వసూళ్లు రాబట్టినట్లు చిత్ర యూనిట్ అధికారికంగా వెల్లడించింది. గతంలో విడుదల అయిన ఇతర టాప్ హీరోల సినిమాలతో పోలిస్తే ఎంతో వేగంగా ఈ వసూళ్లు సాధించినట్లు చెపుతున్నారు.

ఇంకా సినిమా ట్రైలర్ కూడా విడుదల చేయకముందే ఓవర్సీస్ ప్రీ సేల్స్ లో పెద్ది దూసుకెళుతుండంతో రామ్ చరణ్ ఫ్యాన్స్ ఫుల్ ఖుషీగా ఉన్నారు అనే చెప్పాలి. బుచ్చిబాబు సానా దర్శకత్వంలో తెరకెక్కిన ఈ మూవీ లో రాంచరణ్ కు జోడిగా జాన్వీ కపూర్ నటించిన సంగతి తెలిసిందే. ఈ మూవీ కి ఏ ఆర్ రెహమాన్ మ్యూజిక్ అందించారు. ట్రైలర్ విడుదల అయి చిత్ర యూనిట్ ప్రమోషన్స్ వేగం పెంచిన తర్వాత మరిన్ని రికార్డు లు బద్దలు కావటం ఖాయం అనే ధీమాతో చిత్ర యూనిట్ ఉంది. విలేజ్ స్పోర్ట్స్ డ్రామా కథతో ఈ మూవీ ని తెరకెక్కించారు.