అక్టోబర్ కు షూటింగ్ కంప్లీట్ !
రాజమౌళి, మహేష్ బాబు కాంబినేషన్ లో తెరకెక్కుతున్న వారణాసి సినిమాపై ప్రేక్షకుల్లో భారీ అంచనాలు ఉన్నాయి. ఈ సినిమా వచ్చే ఏడాది ఏప్రిల్ 7 న ప్రపంచ వ్యాప్తంగా ప్రేక్షకుల ముందుకు రానుంది. ఈ సినిమా షూటింగ్ ఈ అక్టోబర్ నాటికి పూర్తి చేయనున్నారు. వారణాసి చిత్ర యూనిట్ శనివారం నాడు ఈ సినిమాలో మహేష్ బాబుకు జోడిగా నటిస్తున్న హీరోయిన్ ప్రియాంక చోప్రా న్యూ లుక్స్ ను షేర్ చేసింది. ప్రియాంక చోప్రా పుట్టిన రోజు సందర్భంగా ఈ లుక్స్ షేర్ చేసి దర్శకుడు రాజమౌళి, హీరో మహేష్ బాబులు ఆమెకు బర్త్ డే విషెస్ చెప్పారు. వారణాసి మూవీ లో ప్రియాంక మందాకినీ పాత్రలో నటిస్తున్నారు. సెట్ లో ఆమె ఫోటో లు షేర్ చేస్తూ ఆమె నవ్వితే అందం...నవ్వకపోతే నిప్పు కణిక అంటూ రాజమౌళి కాప్షన్ పెట్టారు.
