ప్రాజెక్ట్ కె పై పెరుగుతున్న హైప్

పాన్ ఇండియా హీరో ప్రభాస్ నటిస్తున్న ప్రాజెక్ట్ కె సినిమాపై హైప్ అంతకంతకూ పెరుగుతోంది. ఇందుకు ప్రధాన కారణం ఇందులో నటిస్తున్న తారాగణం తో పాటు దర్శకుడు నాగ్ అశ్విన్ అని కూడా చెప్పాలి. ఎందుకంటే మహానటి సినిమా తర్వాత దర్శకుడు నాగ్ అశ్విన్ చాలా గ్యాప్ తీసుకుని ఈ ప్రాజెక్ట్ టేక్ అప్ చేశారు. దీంతో ఇది దేశంలోనే కొత్త చరిత్ర సృష్టించే అవకాశాలు ఉన్నాయనే అంచనాలు ఉన్నాయి. తాజాగా ఈ సినిమాలో ఒక కీలకపాత్రను కమల్ హాసన్ పోషిస్తున్నట్లు చిత్ర యూనిట్ అధికారికంగా ప్రకటించిన విషయం తెలిసిందే. ఇప్పటికే ప్రభాస్ కు తోడు అమితాబ్ బచ్చన్, దీపికా పదుకొనె వంటి తారాగణం ఉన్నారు. తాజాగా ఈ సినిమా కు సంబంధించి ముఖ్యంగా హీరో ప్రభాస్ తో పాటు ఇతర కీలక నటుల రెమ్యూనరేషన్స్ ఇవిగో అంటూ మీడియా తో పాటు సోషల్ మీడియా లో హల్చల్ చేస్తున్నాయి. ఎప్పుడూ కూడా ఏ పరిశ్రమకు చెందిన హీరో లు అయినా..హీరొయిన్ లు అయినా అధికారికంగా తమ రెమ్యూనరేషన్స్ వివరాలు బహిర్ఙ్గతం చేయరు. దీని వెనక ఐటి సమస్యలతో పాటు రకరకాల కారణాలు ఉంటాయి. ప్రాజెక్ట్ కె సినిమా మొత్తం బడ్జెట్ ఆరు వందల కోట్ల రూపాయలు అయితే..ఇందులో రెమ్యూనరేషన్స్ కు 210 కోట్ల రూపాయల వరకు అవుతుంది. ఇక్కడ మరో సంచలనం ఏమిటి అంటే ఒక్క హీరో ప్రభాస్ కే రెమ్యూనరేషన్ 150 కోట్ల రూపాయలు ఇస్తున్నట్లు టాక్.

కమల్ హాసన్ కు 20 నుంచి 30 కోట్ల రూపాయల మధ్య, దీపికా పదుకొనె కు పది కోట్లు, అమితాబ్ బచ్చన్ తో పాటు ఇతర నటీ నటులకు కలిపి పది కోట్ల రూపాయలు ఉంటుంది అని అంచనా. అయితే ప్రాజెక్ట్ కే సినిమా లో కమల్ హాసన్ షూటింగ్ జరిగే రోజులు చాలా తక్కువగా ఉంటాయని చెపుతున్నారు. రెమ్యూనరేషన్స్ అన్ని కలిపి సుమారు 210 కోట్ల రూపాయలు అయితే...నిర్మాణ ఖర్చు 400 కోట్ల రూపాయలుగా చెపుతున్నారు. సహజంగా ఏ పెద్ద సినిమా కు అయినా కూడా నిర్మాణ వ్యయంలో ఎక్కువ భాగం రెమ్యూనరేషన్స్ కే వెళుతుంది. కానీ ఇక్కడ నిర్మాణ వ్యయంగా చూపిస్తున్న 400 కోట్ల రూపాయలపై మాత్రం పలు అనుమానాలు ఉన్నాయి. ప్రాజెక్ట్ కే సినిమా కు సంబంధించిన నాన్ థియేట్రికల్ రైట్స్ కు సంబంధించి ఇప్పటివరకు ఏ సినిమాకు రాని రికార్డు ధరలు వచ్చినా కూడా నిర్మాత అశ్విని దత్ ఇంకా వాటిని ఓకే చేయలేదు అని చెపుతున్నారు. సినిమా బడ్జెట్ లో పెద్ద మొత్తం ఈ మార్గం ద్వారానే వచ్చే అవకాశం ఉంది అని టాక్. మొత్తానికి ప్రాజెక్ట్ కే బజ్ మాత్రం ఒక రేంజ్ లో ఉంది అనే చెప్పాలి.