యాంకర్ సుమ, ఫాన్స్ పై ఫైర్ అయిన ఎన్టీఆర్

ఆర్ఆర్ఆర్ సినిమాతో సూపర్ డూపర్ హిట్ కొట్టిన ఎన్టీఆర్ ఎందుకు అంత ఒత్తిడి ఎదుర్కొంటున్నారు. ఆదివారం రాత్రి అమిగోస్ ప్రీ రిలీజ్ ఈవెంట్ లో అయన మాట్లాడిన మాటలు...స్పందించిన తీరు చూసిన వాళ్లకు ఎవరికైనా ఇదే అనుమానం రాక మానదు. ఎందుకంటే గతానికి బిన్నంగా ఎన్టీఆర్ ఈ స్టేజ్ మీద వ్యవహరించారు. ఆరోగ్యం బాగాలేదు...ఎక్కువసేపు నిలబలేను అన్నంత వరకూ ఓకే. కానీ యాంకర్ సుమ కు క్లాస్ తీసుకోవటం తో పాటు అయన తన అభిమానులకు కూడా క్లాస్ పీకారు. అయన మాటలు చూస్తుంటే ఎన్టీఆర్ తీవ్ర ఒత్తిడిలో ఉన్నారనే అభిప్రాయం పరిశ్రమ వర్గాల్లో వ్యక్తం అవుతోంది. ఆర్ఆర్ఆర్ సినిమా తో ఇప్పుడు ఎన్టీఆర్ కూడా పాన్ ఇండియా హీరోగా మారారు . దీంతో ఇక ప్రతి సినిమా విషయంలో ఆచితూచి అడుగులు వేయాలి..మరో వైపు అంచనాలు మరింత పెరుగుతూ పోతుంటాయి. వీటిని అందుకోవాలంటే పెద్ద సవాలే. అదే సమయంలో ఇప్పుడు ఎన్టీఆర్ చేస్తున్న సినిమా దర్శకుడు కొరటాల శివ తో కలిసి. మెగా స్టార్ చిరంజీవి, అయన తనయుడు రామ్ చరణ్ లతో కలిసి కొరటాల శివ చేసిన తాజా సినిమా ఆచార్య బాక్స్ ఆఫీస్ వద్ద ఘోర పరాజయాన్ని చవిచూసింది. దీంతో కొత్త ప్రాజెక్టు విషయంలో అటు కొరటాల శివ తో పాటు ఎన్టీఆర్ కూడా తీవ్ర ఒత్తిడి ఎదుర్కొంటున్నట్లు స్పష్టంగా కనిపిస్తోంది. అందుకే అమిగోస్ ఈవెంట్ లో ఎన్టీఆర్ 30 వ సినిమా పై అప్డేట్ ఇస్తారు అని సుమ చెప్పగానే ఆమె పై ఎన్టీఆర్ చాలా సీరియస్ అయ్యారు.

తర్వాత ఫాన్స్ ను అనునయిస్తూనే అదిరిపోయే అప్ డేట్స్ ఉంటే తామే తప్పకుండ చెపుతాం అని..ఇంట్లో మా భార్య కంటే ముందు మీతోనే షేర్ చేసుకుంటాం అంటూ ఎన్టీఆర్ కీలక వ్యాఖలు చేశారు. ఏదో తొందరపడి ఒక ప్రకటన చేస్తే మళ్ళీ మీరే విమర్శలు చేస్తారు...దీంతో నిర్మాతలు, దర్శకులు ఒత్తిడికి లోనవుతారు అంటూ ఎన్టీఆర్ కీలక వ్యాఖలు చేశారు. ఇది తన ఒక్కడి సమస్య కాదు అని..పరిశ్రమలోని ఇతర నటులు...హీరో లు అందరిదీ ఇదే పరిస్థితి అంటూ ఎన్టీఆర్ కామెంట్ చేశారు. తన కొత్త సినిమా ఫిబ్రవరి లో స్టార్ట్ అయి..మార్చ్ నుంచి రెగ్యులర్ షూటింగ్ జరుపుకుంటుంది అని....సినిమా విడుదల 2024 ఏప్రిల్ 5 న ఉంటుంది అని ప్రకటించారు. వాస్తవానికి ఈ వివరాలు అన్ని చిత్ర యూనిట్ గతంలో చెప్పినవే ...అప్పటిలోనే సినిమా రిలీజ్ కు ఇంత గ్యాప్ పెట్టడంపై అభిమానులు ఆగ్రహం వ్యక్తం చేశారు. సోషల్ మీడియా లో దర్శకుడు కొరటాల శివ ను తప్పుబడుతూ కామెంట్స్ చేశారు. వీటి అన్నిటిని దృష్టిలో పెట్టుకునే ఎన్టీఆర్ ఇలా మాట్లాడి ఉంటారు అనే చర్చ సాగుతోంది.