ఈ సారి అయినా ట్రాక్ లోకి వస్తాడా!

నితిన్ గత కొంత కాలంగా సరైన హిట్ లేక ఇబ్బందులు పడుతున్నాడు. ఈ హీరో గత సినిమాలు అన్నీ బాక్స్ ఆఫీస్ దగ్గర మంచి ఫలితాన్ని రాబట్టలేకపోయాయి. ఆయన రీసెంట్ సినిమాలు రాబిన్ హుడ్, తమ్ముడు లు ఎంత డిజాస్టర్ గా మారాయో అందరికి తెలిసిందే. ఇప్పుడు సితార ఎంటర్టైన్మెంట్స్ బ్యానర్ పై నితిన్ మరో కొత్త సినిమా చేస్తున్నాడు. ఈ సినిమాలో రితిక నాయక్ హీరోయిన్ గా నటిస్తున్నారు. ఇప్పుడు మరో ప్రాజెక్ట్ కూడా నితిన్ కు దక్కింది. ఈ సినిమాను ప్రముఖ హీరో నాని సమర్పిస్తుండటం విశేషం. ఒక వైపు హీరో గా బిజీ గా ఉన్న నాని..పలు సినిమాలను నిర్మిస్తున్న విషయం తెలిసిందే. నాని సమర్పణలో రానున్న ఈ నితిన్ కొత్త సినిమాకు ‘అలియాస్‌ రుక్మిణీ’ అనే వెరైటీ టైటిల్ ను ఫిక్స్ చేశారు.

మురళీకాంత్‌ దర్శకత్వంలో తెరకెక్కున్న ఈ సినిమాకు దీప్తి గంటా నిర్మాత. ఈ సినిమా టైటిల్‌ను తెలుపుతూ చిత్ర యూనిట్ సోమవారం నాడు గ్లింప్స్‌ను విడుదల చేసింది. ఈ మూవీ కాన్సెప్ట్ ఏంటో చెబుతూ రిలీజ్ చేసిన గ్లింప్స్‌ చూస్తే ఇది ఒక కొత్త తరహాగా ఉంది.ప్రేమకథలు ఎప్పుడూ ప్రత్యేకమే. కానీ ఓ వినూత్నమైన నేపథ్యం, అద్భుతమైన నటీనటులు, సాంకేతిక బృందం కలిస్తే... ఆ ప్రేమకథ మరింత గొప్పగా మారుతుంది. నితిన్ తో కలిసి... మీ అందరినీ ప్రేమలో పడేలా చేసే ఓ అందమైన సినిమాను రూపొందిస్తున్నాం. ఈ ప్రయాణం అందరికీ నచ్చేలా.. హృదయాలను గెలుచుకునేలా ఉంటుంది' అంటూ హీరో హీరో నాని ట్వీట్ చేశారు.