నిహారిక డెస్టినేషన్ వెడ్డింగ్
నాగబాబు కూతురు నిహారిక పెళ్లి ఫిక్స్ అయిన విషయం తెలిసిందే. అయితే కరోనా కారణంగా డెస్టినేషన్ వెడ్డింగ్ కు డిసైడ్ అయ్యారు. అయితే ఇది ఎక్కడ అన్నది నిర్ణయించే బాద్యతను హీరో వరుణ్ తేజ్ కు అప్పగించినట్లు నాగబాబు ఓ ఇంటర్వ్యూలో వెల్లడించారు. దీనికి సంబంధించి పలు ప్రాంతాలను ఎంపిక చేశామని..త్వరలోనే ప్లేస్ ఫిక్స్ చేస్తామన్నారు. డిసెంబర్ లో ఈ పెళ్లి జరగనున్నట్లు సమాచారం.
త్వరలోనే అన్ని విషయాలు వెల్లడిస్తామని నాగబాబు తెలిపారు. కరోనా కారణంగా కేవలం కుటుంబ సభ్యులు, స్నేహితులు, దగ్గరి బంధువుల సమక్షంలోనే నిహారిక-చైతన్యల వివాహం జరగనుంది. ఇదిలా ఉండగా ఆగష్టు 13న ఈ జంట నిశ్చితార్థం చేసుకోగా ఈ కార్యక్రమానికి రామ్‌ చరణ్‌-ఉపాసన, అల్లు అర్జున్‌- స్నేహ, సాయిధరమ్‌తోపాటు కుటుంబ సభ్యులు హాజరైన విషయం తెలిసిందే. గుంటూరు ఐజీ జె ప్రభాకర్ రావు తనయుడు చైతన్యతో నిహారిక పెళ్లి జరగనుంది.
