ఫస్ట్ వంద కోట్ల మూవీ

యువ హీరో నవీన్ పోలిశెట్టి టాలీవుడ్ లో తన తొలి వంద కోట్ల రూపాయల గ్రాస్ వసూళ్ల రికార్డు ను నమోదు చేశాడు. ఈ హీరో నటించిన జాతి రత్నాలు సినిమా బాక్స్ ఆఫీస్ దగ్గర సూపర్ హిట్ టాక్ తెచ్చుకున్నా కూడా వంద కోట్ల రూపాయల క్లబ్ లో చేరలేదు. ఈ సంక్రాంతి బరిలో నిలిచిన అనగనగ ఒక రాజు మూవీ విడుదల అయిన ఐదు రోజుల్లోనే ప్రపంచ వ్యాప్తంగా వంద కోట్ల రూపాయల గ్రాస్ వసూళ్లను సాధించింది. ఈ విషయాన్ని చిత్ర నిర్మాణ సంస్థ సితార ఎంటర్టైన్మెంట్స్ అధికారికంగా వెల్లడించింది. అనగనగ ఒక రాజు మూవీ జనవరి 14 న ప్రేక్షకుల ముందుకు వచ్చిన సంగతి తెలిసిందే. ఈ సంక్రాంతి సీజన్ లో టాలీవుడ్ బాక్స్ ఆఫీస్ దగ్గర పోటీ తీవ్రంగా ఉన్నా కూడా ఒక వెరైటీ కథతో ప్రేక్షకులకు ఈ మూవీ చేరువ అయింది.

నవీన్ పోలిశెట్టి, మీనాక్షి చౌదరి...నరేష్ ఇతర నటీ నటులు అంతా తమ తమ పాత్రలకు న్యాయం చేయటంతో ఈ మూవీ సంక్రాంతి విన్నర్ గా నిలిచింది. అనగనగ ఒక రాజు మూవీ వంద కోట్ల రూపాయల క్లబ్ లో చేరటంపై ట్విట్టర్ వేదికగా నవీన్ పోలిశెట్టి స్పందించాడు. ఈ క్షణం కోసం ఎన్నో సంవత్సరాలు ఎదురు చూశానని..ఇంతటి ఘన విజయాన్ని అందించిన ప్రేక్షకులకు ధన్యవాదాలు తెలిపారు. ఈ విజయంతో తన హృదయం కృతజ్ఞతతో నిండిపోయింది అన్నారు. తనను నమ్మి టికెట్ కొన్నందుకు థాంక్స్ అంటూ...ఈ బ్లాక్ బస్టర్ అందించిన నిర్మాతలకు ధన్యవాదాలు తెలిపారు. ప్రేక్షకులకు మరింత వినోదాత్మక సినిమాలు అందించేందుకు మరింత కష్టపడతా అని తన ట్వీట్ లో పేర్కొన్నారు.