వరస ప్రాజెక్ట్ లతో నాని బిజీ

హీరో నాని ఇటీవలే సరిపోదా శనివారం సినిమాతో మంచి హిట్ అందుకున్నాడు. ఇప్పుడు ఒక వైపు సొంత బ్యానర్ లో హిట్ 3 మూవీ చేస్తూ..మరో వైపు దసరా సినిమాతో నానిని మాస్ హీరోగా మార్చి... మంచి హిట్ ఇచ్చిన దర్శకుడు శ్రీకాంత్ ఓదెల తో మరో ప్రాజెక్ట్ కు రెడీ అయిన విషయం తెలిసిందే. బుధవారం నాడు ఈ సినిమా టైటిల్ ను అనౌన్స్ చేశారు. అదే ది పారడైజ్. టైటిల్ లుక్ చూస్తుంటే ఇది కూడా పూర్తి స్థాయి మాస్ ఎంటర్టైనర్ గా తెరకెక్కనున్నట్లు కనిపిస్తోంది.

నాని కెరీర్ లో వంద కోట్ల రూపాయల గ్రాస్ వసూళ్లు సాధించిన సినిమాలు రెండు ఉంటే అందులో మొదటిది దసరా అయితే...రెండవ సినిమా సరిపోదా శనివారం. మరి ఇప్పుడు నాని, శ్రీకాంత్ ఓదెల కాంబినేషన్ లో తెరకెక్కనున్న కొత్త సినిమా బాక్స్ ఆఫీస్ వద్ద ఎలాంటి ఫలితాన్ని సాదిస్తోందో చూడాలి.బుధవారం నాడు టైటిల్ అనౌన్స్ చేసిన చిత్ర యూనిట్ త్వరలోనే ఈ సినిమాలో నటించే ఇతర నటీ, నటుల వివరాలు వెల్లడించే అవకాశం ఉంది. నాని హిట్ 3 షూటింగ్ పూర్తి చేసుకుని ఈ సినిమాపై ఫోకస్ పెట్టె అవకాశం ఉంది అని చెపుతున్నారు.