'మోస్ట్ ఎలిజబుల్ బ్యాచ్ లర్' న్యూలుక్

అఖిల్ తన కెరీర్ లో సరైన హిట్ కోసం ఎప్పటినుంచో ఎదురుచూస్తున్నాడు. చేసిన సినిమాలు అన్నీ ఓ మోస్తరుగా నడుస్తున్నాయే తప్ప..సూపర్ హిట్ అంటూ తన కెరీర్ లో ఇంత వరకూ ఒక్కటీ లేకుండా పోయింది. ఇప్పుడు తాజాగా 'మోస్ట్ ఎలిజబుల్ బ్యాచులర్' సినిమాపై ఆశలు పెట్టుకున్నాడు ఈ అక్కినేని హీరో. అఖిల్ ..పూజా హెగ్డెతో కలసి చేస్తున్న ఈ సినిమా వేసవిలో ప్రేక్షకుల ముందుకు రానుంది.

ఈ విషయాన్ని చిత్ర యూనిట్ తన సంక్రాంతి శుభాకాంక్షల లుక్ తో వెల్లడించింది. సో టాలీవుడ్ లో ఈ సారి సమ్మర్ సందడి ఓ రేంజ్ లో ఉండబోతుంది. పలు భారీ సినిమాలతోపాటు యువ హీరోల సినిమాలు కూడా సమ్మర్ ను టార్గెట్ చేసుకున్నాయి. రానా, సాయిపల్లవి నటించిన విరాటపర్వం కూడా వేసవిలోనే రానుంది. మరి అఖిల్ కోరిక ఈ సారైనా నెరవేరుతుందో లేదో వేచిచూడాల్సిందే.