మోనాల్..'మా టీవీ'

మోనాల్. పరిచయం అక్కర్లేని పేరు. ఆమె సినిమాల్లో చేసింది ఎప్పుడో అయినా బిగ్ బాస్ సీజన్ 4లో పాల్గొని అందరి నోళ్ళలో ఏదో ఒక రకంగా చర్చనీయాంశంగా మారింది. మాట్లాడితే బిగ్ బాస్ హౌస్ లో కుళాయివిప్పిన మోనాల్...ఫైనలిస్టులు ఐదుగురు ఖరారు అయిన సమయంలో బయటకు వెళ్లిపోయింది. ఆమెను అప్పటివరకూ 'కాపాడటం'ఫైనే తీవ్ర విమర్శలు వెల్లువెత్తాయి. చాలా సార్లు అదిగో మోనాల్ బయటకు..బయటకు అన్నా చివర వరకూ బాగానే నెట్టుకొచ్చింది. దీని వెనక బిగ్ బాస్ అండ ఉందని సోషల్ మీడియాలో తీవ్ర స్థాయిలో విమర్శలు వెల్లువెత్తాయి.

ఇది అంతా పాత కథ. అయితే తాజాగా మోనాల్ మరోసారి మా టీవీలో కన్పించబోతుందనే విషయం స్పష్టం అవుతోంది. అట్టహాసంగా సాగనున్న డ్యాన్స్ ప్లస్ కార్యక్రమంలో మోనాల్ ఉన్నట్లు మా టీవీ విడుదల చేసిన ప్రమోలు చూస్తే అర్ధం అవుతోంది. ఈ షోను ఓంకార్ నడిపిస్తున్నారు. ఇందులో మోనాల్ పాత్ర ఏంటి అన్నది తేలాల్సి ఉంది. డ్యాన్స్ ప్లస్ షోపై ఇఫ్పటికే ఆసక్తి పెరిగిపోయింది. దీనికి సంబంధించి వస్తున్న ప్రమోలు దుమ్మురేపుతున్నాయి. బిగ్ బాస్ నుంచి బయటకు వచ్చాక మోనాల్ ఓ వైపు టీవీలతోపాటు సినిమా ఆఫర్లు కూడా వస్తున్నట్లు సమాచారం.