కొత్త విడుదల తేదీ ప్రకటించిన నాగార్జున

లెనిన్ సినిమా విడుదల మరో సారి వాయిదా పడింది. ఫస్ట్ ఈ మూవీ మే 1 న విడుదల చేస్తున్నట్లు ప్రకటించారు. తర్వాత విడుదల తేదీని జూన్ 26 కి మార్చారు. ఇప్పుడు ఈ సినిమా విడుదల మరో సారి వాయిదా పడినట్లు చిత్ర యూనిట్ అధికారికంగా వెల్లడించింది. అదే సమయంలో కొత్త విడుదల తేదీని కూడా ప్రకటించింది. అక్కినేని అఖిల్, భాగ్యశ్రీ బోర్సే జంటగా నటిస్తున్న ఈ సినిమా జులై 10 న ప్రేక్షకుల ముందుకు రానుంది. ఈ సినిమాను అక్కినేని నాగార్జున తో పాటు సితార ఎంటర్టైన్మెంట్స్ సంయుక్తంగా తెరకెక్కిస్తున్నారు.

లెనిన్ సినిమాను మరింత అద్భుతంగా, 100 శాతం పర్‌ఫెక్ట్‌గా ప్రేక్షకుల ముందుకు తీసుకురావడానికి చిత్ర బృందం మరికొంత సమయం అడిగిందని.. వారిలో ఉన్న కసి, పట్టుదల చూసి తాను దానికి గ్రీన్ సిగ్నల్ ఇచ్చానని నాగార్జున సోషల్ మీడియా వేదికగా తెలిపారు. అందులోనే కొత్త విడుదల తేదీని కూడా ఆయనే ప్రకటించారు. దీని ప్రకారం లెనిన్ మూవీ జూన్ 26 కాకుండా, జూలై 10న థియేటర్లలోకి రానుంది. ఈ సినిమాతో ప్రేక్షకులు సరికొత్త అఖిల్‌ను చూస్తారని వెల్లడించారు. మురళి కిషోర్ అబ్బూరు ఈ సినిమాకు దర్శకత్వం వహిస్తున్నారు. థమన్ మ్యూజిక్ అందిస్తున్నాడు.