కిరణ్ అబ్బవరం కొత్త సినిమా

కిరణ్ అబ్బవరం. గత కొంత కాలంగా సక్సెస్ కోసం ఎదురుచూస్తున్నాడు. ఈ యువ హీరో నటించిన సినిమాలు వరసగా బాక్స్ ఆఫీస్ వద్ద బోల్తా కొట్టడంతో కొద్దిగా గ్యాప్ తీసుకుని ఇప్పుడు కొత్త ప్రాజెక్ట్ తో ముందుకు వస్తున్నాడు. బుధవారం నాడు ఈ సినిమా టైటిల్ అనౌన్స్ చేశారు. ఒక అక్షరం క పేరుతో ఈ సినిమా తెరకెక్కుతోంది. అంతే కాదు..ఇది ఈ హీరో తొలి పాన్ ఇండియా మూవీ కూడా. తెలుగు తో పాటు తమిళం, మలయాళం, కన్నడ భాషల్లో కూడా ఇది విడుదల కానుంది.

టైటిల్ తో న్యూ లుక్ ను విడుదల చేశారు. ఈ సినిమాలో కిరణ్ అబ్బవరం కు జోడిగా తన్వి రామ్ నటిస్తోంది. ఈ సినిమా కు రచన, దర్శకత్వం సుజిత్ అండ్ సందీప్ . విలేజ్ బ్యాక్ డ్రాప్ తో యాక్షన్ థ్రిల్లర్ మూవీగా ఈ సినిమాను తెరకెక్కిస్తున్నట్లు సమాచారం. కిరణ్ అబ్బవరం నటించిన వినరో భాగ్యం విష్ణు కథ బాక్స్ ఆఫీస్ వద్ద మంచి ఫలితం సాధించినా కూడా రూల్స్ రంజన్, నేను మీకు బాగా తెలుసు, సెబాస్టియన్ వంటి సినిమాలు దారుణ ఫలితాన్ని చవిచూశాయి.