హోంబలే ఈజ్ కాలింగ్ ప్రభాస్

ప్రభాస్ ఫ్యాన్స్ కు ఇది ఏ మాత్రం ఊహించని వార్త. ఒకే నిర్మాణ సంస్థ పాన్ ఇండియా స్థాయిలో తిరుగులేని హీరోగా ఉన్న ప్రభాస్ తో ఏకంగా మూడు సినిమా లు చేయబోతోంది. అదే హోంబలే ఫిల్మ్స్. 2018 లో విడుదల అయిన కేజీఎఫ్ సినిమా తో ఈ నిర్మాణ సంస్థ పేరు ఒక్కసారిగా మారుమోగిపోయింది. తర్వాత వచ్చిన కాంతార, సలార్ సినిమాలు మంచి విజయాన్ని దక్కించుకున్న విషయం తెలిసిందే. ద హోంబలే ఈజ్ కాలింగ్ ప్రభాస్ పేరుతో ఈ ప్రకటన చేశారు. అయితే ఈ మూడు సినిమాల్లో ఒకటి సలార్ 2 అయితే..మిగిలిన రెండు సినిమాలే ఏంటి అన్నది ఇప్పుడు ఆసక్తికరంగా మారింది. ఈ మూడు సినిమాలు వరసగా 2026 , 2027 , 2028 లో విడుదల అవుతాయని వెల్లడించారు.

భారతీయ సినిమా ఖ్యాతిని విశ్వవ్యాప్తం చేసేలా మూడు చిత్రాల భాగస్వామ్యంతో ప్రభాస్ తో కలిసి పనిచేయనుండటం ఎంతో ఆనందంగా ఉంది అని హోంబలే ఫిల్మ్స్ కు చెందిన విజయ్ కిరంగదూర్ ప్రకటించారు. ఎప్పటికి గుర్తిండిపోయేలా ప్రేక్షకులకు సినిమాటిక్ అనుభూతిని ఇవ్వనున్నట్లు తెలిపారు. దీనికి వేదిక సిద్ధం అయింది అని...ముందుకు సాగే మార్గం అపరిమితంగా ఉంటుంది అని పేర్కొంది. ప్రముఖ నిర్మాణ సంస్థ ఏకంగా ఒకే సారి మూడు సినిమాలు ప్రకటించటంతో ప్రభాస్ ఫ్యాన్స్ ఫుల్ ఖుషీగా ఉన్నారు అనే చెప్పాలి.