వెరైటీ టైటిల్ తో కొత్త సినిమా

టాలీవుడ్ లోని విలక్షణ దర్శకుల్లో గుణ శేఖర్ ఒకరు. సమంత ప్రధాన పాత్రలో ఆయన తెరకెక్కించిన శాకుంతలం సినిమా బాక్స్ ఆఫీస్ వద్ద ప్రభావం చూపించలేకపోయింది. గుణ శేఖర్ ఇప్పుడు మరో కొత్త ప్రాజెక్ట్ తో ముందుకు రాబోతున్నారు. మంగళవారం నాడు ఆ సినిమా కొత్త టైటిల్ ను ప్రకటించారు. యూఫోరియా పేరుతో తెరకెక్కనున్న ఈ సినిమా షూటింగ్ త్వరలోనే ప్రారంభం అవుతుంది అని తెలిపారు. అయితే ఇందులో నటించే నటి నటుల విషయాలను త్వరలోనే ప్రకటించే అవకాశం ఉంది. ఈ సినిమా కు నీలిమ గుణ శేఖర్ నిర్మాతగా వ్యవహరించనున్నారు. గుణా హ్యాండ్ మేడ్ ఫిలిమ్స్ బ్యానర్ పై దీన్ని నిర్మించనున్నారు. ఈ ప్రాజెక్ట్ కు సంబంధించి ప్రస్తుతం ప్రీ ప్రొడక్షన్ పనులు జరుగుతున్నట్లు చెపుతున్నారు.