గీతా ఆర్ట్స్..స్వప్న మూవీస్ పాన్ ఇండియా సినిమా

టాలీవుడ్ లో కీలక సంస్థలు కలిసి కొత్త సినిమాను ప్రకటించాయి. ఇందులో ఒకటి గీత ఆర్ట్స్ అయితే...మరొకటి స్వప్న సినిమాస్. వీటితో పాటు లైట్ బాక్స్ మీడియా సంస్థ కూడా ఇందులో భాగస్వామ్యం అయింది. ఈ పాన్ ఇండియా సినిమా పేరు ఆకాశంలో ఒక తార. దుల్కర్ సల్మాన్ హీరో గా తెరకెక్కనున్న ఈ మూవీ వివరాలను త్వరలోనే వెల్లడిస్తాం అని చిత్ర యూనిట్ పేర్కొంది. దుల్కర్ సల్మాన్ పుట్టిన రోజు సందర్భంగా ఫస్ట్ లుక్ ను విడుదల చేశారు.

ఈ సినిమాను తెలుగు తో పాటు మళయాళం, హిందీ, తమిళ్ భాషల్లో విడుదల చేయాలని నిర్ణయించారు. ప్రస్తుతం దుల్కర్ సల్మాన్ నటించిన లక్కీ భాస్కర్ సినిమా విడుదలకు సిద్ధంగా ఉంది. ఒక వైపు ఈ సినిమా విడుదలకు సిద్ధం అవుతుండగానే...కొత్త ప్రాజెక్ట్ ను అనౌన్స్ చేశారు. సూపర్ హిట్ మూవీ కల్కి సినిమాలో కూడా దుల్కర్ సల్మాన్ గెస్ట్ రోల్ లో కనిపించిన విషయం తెలిసిందే.