దేవర...రికార్డు లు పక్కా!
పవర్ ఫుల్ డైలాగులు. అదిరిపోయే యాక్షన్ సన్నివేశాలు. ఆకట్టుకునే విజువల్స్. వెరసి ఇప్పుడు ఉన్న హైప్ ని మరింత పెంచింది దేవర ట్రైలర్. చిత్ర యూనిట్ చెప్పిన ప్రకారమే మంగళవారం సాయంత్రం ఈ సినిమా ట్రైలర్ ను విడుదల చేసింది. ఈ సినిమా కథ అంతా సముద్రం చుట్టూనే తిరుగుతుంది. గతంలో ఎన్నడూ చూడని రీతిలో ఎన్టీఆర్ తో అద్భుతమైన యాక్షన్ సన్నివేశాలు తెరకెక్కించినట్లు ఈ ట్రైలర్ చూస్తే తెలుస్తోంది. ట్రైలర్ ఈ సినిమాపై అంచనాలను మరింత పెంచింది అనటంలో ఏ మాత్రం సందేహం లేదు. దేవర సినిమాలో విలన్ గా బాలీవుడ్ సీనియర్ యాక్టర్ సైఫ్ అలీ ఖాన్ నటిస్తున్న విషయం తెలిసిందే. దర్శకుడు కొరటాల శివ చిరంజీవి, రామ్ చరణ్ లతో కలిసి చేసిన ఆచార్య సినిమా తర్వాత చేపట్టిన భారీ ప్రాజెక్ట్ ఇదే కావటంతో అందరి దృష్టి దీనిపై ఉంది. ఎన్టీఆర్, కొరటాల శివ కాంబినేషన్ లో వచ్చిన జనతా గ్యారేజ్ బాక్స్ ఆఫీస్ వద్ద మంచి విజయం దక్కించుకుంది.
