దేవర అప్ డేట్ వచ్చింది

ఎన్టీఆర్ కొత్త సినిమా దేవర కు సంబంధించి న్యూ అప్ డేట్ వచ్చింది. కొత్త సంవత్సరం తొలి రోజు ఫాన్స్ కు గుడ్ న్యూస్ చెప్పింది చిత్ర యూనిట్. అదేంటి అంటే దేవర ఫస్ట్ పార్ట్ గ్లింప్స్ జనవరి 8 న విడుదల కానుంది. దీనికి సంబంధించి ఎన్టీఆర్ న్యూ లుక్ ను కూడా విడుదల చేశారు. కొరటాల శివ దర్శకత్వంలో తెరకెక్కుతున్న ఈ సినిమాలో ఎన్టీఆర్ కు జోడిగా జాన్వీ కపూర్ నటిస్తున్న విషయం తెలిసిందే. ఆర్ఆర్ఆర్ తర్వాత విడుదల కాబోతున్న ఎన్టీఆర్ సినిమా ఇదే కావటంతో దీనిపై భారీ అంచనాలే ఉన్నాయి. ఏప్రిల్ 5 న ఈ సినిమా ప్రపంచ వ్యాప్తంగా విడుదల కానుంది. గ్లింప్స్ తో మొదలు అయ్యే దేవర సందడి మూడు నెలల పాటు కొనసాగే అవకాశం ఉంది. మొత్తం రెండు భాగాలుగా దేవర ను తెరకెక్కిస్తున్నట్లు కొరటాల శివ గతంలోనే ప్రకటించారు.