Telugu Gateway
Cinema

వాల్తేర్ వీరయ్య వెటకారం

వాల్తేర్ వీరయ్య వెటకారం
X

మెగాస్టార్ చిరంజీవి తొలిసారి వెబ్ సైట్స్ పై వ్యంగ్యాస్త్రాలు సంధించారు. వాల్తేర్ వీరయ్య సినిమా అనూహ్య విజయం సాధించటంతో అయన ఫుల్ జోష్ లో ఉన్నారు. ఆ జోష్ లోనే వెబ్ సైట్స్...వాల్తేర్ వీరయ్య సినిమాకు అవి ఇచ్చిన రేటింగ్స్ పై స్పందించారు. చిరంజీవి తాజాగా అమెరికాలోని ఫాన్స్ తో జూమ్ కాల్ లో మాట్లాడారు. తన సినిమాను విజయవంతం చేసినందుకు...ఇంతగా ఆదరించినందుకు అభిమానులకు ధన్యవాదాలు తెలిపారు. అదే సమయంలో వాల్తేర్ వీరయ్య సినిమా యూఎస్ ప్రీమియర్ షోస్ అయిపోగానే కొన్ని వెబ్ సైట్స్ 2 .5 రేటింగ్ ఇచ్చాయని..అయితే ఈ సినిమాపై తనకు పూర్తి నమ్మకం...ధీమా ఉన్నందున తాను వీటిని పట్టించుకోలేదు అని తెలిపారు. అయితే 2 .5 అంటే అమెరికాలో ఈ సినిమాకు 2 . 5 మిలియన్ యూఎస్ డాలర్లు వస్తాయని వాళ్ళు చెప్పినట్లు ఊహించలేక పొయానంటూ ఎద్దేవా చేశారు.

తాను వాళ్ళను విమర్శించటం లేదు అంటూనే తన పని తాను పూర్తి చేశారు. అయితే చిరంజీవికి ఈ వెబ్ సైట్ రేటింగ్స్ ఒకింత ఆగ్రహం తెప్పించానే విషయం తాజాగా అయన మాటల్లో బయటపడింది. అయితే యూఎస్ లో చిరంజీవి సినిమా ఇప్పటికి రెండు మిలియన్ల క్లబ్ లో చేరటంతో పాటు ఇంకా మంచి వసూళ్లు సాధిస్తూ దూసుకెళుతోంది. ఈ సంక్రాంతి బరిలో నిలిచిన వాల్తేర్ వీరయ్య సినిమా సుమారు 200 కోట్ల రూపాయాల గ్రాస్ తో అత్యధిక వసూళ్లు సాధించిన సినిమాగా నిలిచింది. బాబీ దర్శకత్వంలో తెరకెక్కిన ఈ సినిమాలో చిరంజీవి, రవి తేజ నటించిన విషయం తెలిసిందే. కథలో పెద్దగా కొత్తదనం లేకపోయినా చిరంజీవి నటన, కామెడీ లతో అటు అభిమానులతో పాటు ఇటు ఫామిలీ ఆడియన్స్ ను ఆకట్టుకోవడం తో పండగ వసూళ్ళలో ఈ సినిమానే ముందు ఉంది.

Next Story
Share it