మార్చి25నుంచి భీమ్లానాయ‌క్ ఓటీటీలో

ఆర్ఆర్ఆర్ విడుద‌ల రోజే భీమ్లానాయ‌క్ ఓటీటీలో విడుద‌ల కానుంది. ఈ సినిమాను ఆహాలో విడుద‌ల చేయ‌నున్నారు. వ‌చ్చే శుక్ర‌వారం ప్ర‌తి ఇంట్లో ప‌వ‌న్ క‌ళ్యాణ్ తుఫాను ప్రారంభం కానుంద‌ని ఆహా వెల్ల‌డించింది. ప‌వ‌న్ కళ్యాణ్‌, ద‌గ్గుబాటి రానాలు న‌టించిన ఈ సినిమా బాక్సాఫీస్ వ‌ద్ద కూడా మంచి వ‌సూళ్ల‌ను సాధించింది. అహంకారానికి....ఆత్మ‌గౌర‌వానికి మ‌ధ్య పోటీ అనే ట్యాగ్ లైన్ తో విడుద‌లైన ఈ సినిమాలో అటు ప‌వ‌న్ క‌ళ్యాణ్‌, ఇటు రానాలు ప‌వ‌ర్ ఫుల్ గా యాక్ట్ చేసి త‌మ స‌త్తాచాటారు.

అన్నింటి కంటే ముఖ్యంగా తమ‌న్ బ్యాగ్రౌండ్ మ్యూజిక్ సినిమాకు హైలెట్ గా నిలిచింది. మ‌ళ‌యాళంలో సూప‌ర్ హిట్ అయిన అయ్య‌ప్ప‌నుమ్ కోషియంకు రీమేక్ గా ఈ సినిమా తెర‌కెక్కిన విష‌యం తెలిసిందే. సాగ‌ర్ కె చంద్ర ద‌ర్శ‌క‌త్వం వ‌హించ‌గా...ప్ర‌ముఖ ద‌ర్శ‌కుడు త్రివిక్రమ్ శ్రీనివాస్ స్క్రీన్ ప్లే అందించారు. ఈ సినిమాలో ప‌వ‌న్ కు జోడీగా నిత్యామీన‌న్ న‌టిస్తే...రానాకు జంట‌గా సంయుక్తా మీన‌న్ సంద‌డి చేశారు.