విశ్వంభర మూవీలోకి ఆషికా

మెగా స్టార్ చిరంజీవి నటిస్తున్న విశ్వంభర సినిమా కు సంబంధించి ఒక ఆసక్తికరమైన వార్త చక్కర్లు కొడుతోంది. అదేంటి అంటే ఈ సినిమాలో ఏకంగా ఐదుగురు హీరోయిన్లు సందడి చేయబోతున్నారు అని. ఇప్పటికే హీరోయిన్ గా తొలుత త్రిష పేరు ప్రకటించారు. ఆమె షూటింగ్ లో కూడా పాల్గొన్నారు. శుక్రవారం నాడు చిత్ర యూనిట్ అధికారికంగా ఈ సినిమాలో ఆషికా రంగనాథ్ , చిరంజీవితో కలిసి నటించనున్నట్లు వెల్లడిస్తూ ఆమె లుక్ ను కూడా విడుదల చేసింది.

దీంతో ఐదుగురు హీరోయిన్ల ప్రచారానికి మరింత బలం చేకూరినట్లు అయింది. ఇప్పటికే త్రిష, ఆషికా వచ్చేశారు. త్వరలోనే ఈ సినిమాలోకి మీనాక్షి చౌదరి, ఇషా చావ్లా, సురభి లు కూడా ఎంట్రీ ఇచ్చే అవకాశం ఉంది అని టాలీవుడ్ టాక్. వశిష్ఠ దర్శకత్వంలో తెరకెక్కుతున్న ఈ మూవీ ని భారీ బడ్జెట్ తో నిర్మిస్తున్నారు. విశ్వంభర మూవీ వచ్చే ఏడాది సంక్రాంతి కానుకగా జనవరి 10న ప్రేక్షకుల ముందుకు రానుంది.