ఊహించని కాంబినేషన్ ఫిక్స్

దర్శకుడు అనిల్ రావిపూడి కొత్త సినిమాను అధికారికంగా ప్రకటించారు. ఈ సారి ఎవరూ ఊహించని కాంబినేషన్ తో ...అది కూడా మల్టీస్టార్టర్ మూవీ ని అనౌన్స్ చేశారు. ఎప్పటి లాగానే ఈ సినిమా కూడా వచ్చే ఏడాది సంక్రాంతికి రాబోతోంది. 2027 మొదటి పండగకు మీ ముందుకు వస్తున్నాం అంటూ సంక్రాంతికి రిలీజ్ అనే విషయాన్ని చెప్పేశారు. ఈ సారి సినిమా వెంకటేష్, నందమూరి కళ్యాణ్ రామ్ కాంబినేషన్ లో రానుంది. మొదటి "వందకోట్ల బొమ్మ" కొట్టిన హీరోతో, "మొదటిసారి బొమ్మ" తీసే అవకాశం ఇచ్చిన హీరో నందమూరి కళ్యాణ్ రామ్ తో కలిసి 2027 మొదటి పండగకి మీ, ముందుకు వస్తున్నాం అంటూ సోషల్ మీడియా లో పోస్ట్ పెట్టారు దర్శకుడు అనిల్ రావిపూడి.

దర్శకుడు అనిల్ రావిపూడి, వెంకటేష్ కాంబినేషన్ లో వచ్చిన ఎఫ్ 2 సినిమా ఆయన కెరీర్ లోనే మొదటి వంద కోట్ల రూపాయల వసూళ్లు సాధించిన సినిమాగా నిలిచిన విషయం తెలిసిందే. గత ఏడాదికి సంక్రాంతికి వస్తున్నాం మూవీతో సూపర్ హిట్ కొట్టిన అనిల్ రావిపూడి..ఈ ఏడాది చిరంజీవి హీరోగా తెరకెక్కించిన మన శంకర వరప్రసాద్ మూవీ తో ఏకంగా ప్రపంచ వ్యాప్తంగా 350 కోట్ల రూపాయలకు పైగా గ్రాస్ వసూళ్లను సాధించిన విషయం తెలిసిందే. తనకు కలిసి వచ్చిన సంక్రాంతిని టార్గెట్ చేసుకుని మరో సారి కొత్త సినిమాతో రాబోతున్నారు. అయితే ఈ సినిమాని తెరకెక్కించే నిర్మాణ సంస్థ తో పాటు ఇందులో నటించే హీరోయిన్స్ వివరాలు ఇంకా బహిర్గతం కావాల్సి ఉంది.