సండే ఫిగర్స్ తోనే అనుమానాలు!
అక్కినేని అఖిల్ కెరీర్ లోనే అత్యధిక వసూళ్లు సాధించిన సినిమాగా లెనిన్ మూవీ నిలవబోతోంది. ఈ సినిమా ఇప్పటికే అంటే కేవలం మూడు రోజుల్లోనే ప్రపంచ వ్యాప్తంగా 61 కోట్ల రూపాయలకు పైగా గ్రాస్ వసూళ్ళను సాధించినట్లు చిత్ర యూనిట్ అధికారికంగా వెల్లడించింది. అయితే రెండు రోజుల వసూళ్లు 37. 2 కోట్ల రూపాయలు అయితే...మూడవ రోజుకు మొత్తం వసూళ్లు ఏకంగా 61 .1 కోట్ల రూపాయల గ్రాస్ సాధించినట్లు చిత్ర యూనిట్ అధికారికంగా ప్రకటించటం ఇప్పుడు హాట్ టాపిక్ గా మారింది. పాజిటివ్ మౌత్ టాక్ తో ఈ సినిమాకు ప్రేక్షకుల నుంచి మంచి ఆదరణ దక్కుతుంది అనటంలో ఏ మాత్రం సందేహం లేదు. కానీ ఒక్క ఆదివారం నాడు ఈ సినిమా ఏకంగా 23.9 కోట్ల రూపాయల వసూళ్లు సాధించినట్లు చూపటం పలు అనుమానాలకు కారణం అవుతోంది.
