సైన్స్ ఫిక్షన్ మూవీ తో హిట్ దాక్కుంటుందా?!

టాలీవుడ్ తో పాటు ఏ సినీ పరిశ్రమలో అయినా విజయాలు ఉన్న వాళ్ళ వెంట మాత్రమే పడతారు. అది హీరో లు అయినా...డైరెక్టర్ల కు అయినా ఛాన్సులు దక్కాలంటే ఫస్ట్ కొలమానం సక్సెస్ మాత్రమే. వరస ప్లాప్స్ ఉంటే గత విజయాలను కూడా ఎవరూ పట్టించుకోరు . హీరో నితిన్ గత కొంతకాలంగా వరస ప్లాప్స్ తో ఇబ్బంది పడుతున్నాడు. గత ఏడాది రిలీజ్ అయిన ఈ హీరో రెండు సినిమాలు రాబిన్ హుడ్, తమ్ముడు బాక్స్ ఆఫీస్ వద్ద దారుణ ఫలితాన్ని చవిచూశాయి. దీంతో ఫస్ట్ నితిన్ తో తెరకెక్కించాలని నిర్ణయించిన ఎల్లమ్మ సినిమా ఛాన్స్ కూడా చేజారిపోయింది. దర్శకుడు వేణు...దిల్ రాజు నిర్మాత గా ఈ మూవీ ని తెరకెక్కించాలని నిర్ణయించిన సంగతి తెలిసిందే. ఇప్పుడు ఈ సినిమా ఛాన్స్ మ్యూజిక్ డైరెక్టర్ దేవిశ్రీ ప్రసాద్ కు దక్కింది.

దీంతో నితిన్ కు ఇప్పటిలో సినిమా ఛాన్సులు వస్తాయా లేదా అన్న చర్చ సాగుతున్న వేళ నితిన్ నుంచి కొత్త సినిమా ప్రకటన వచ్చింది. పలు ఆసక్తికర మూవీ లు తెరకెక్కించిన దర్శకుడు వీఐ ఆనంద్ ఇప్పుడు నితిన్ తో కొత్త సినిమా చేయబోతున్నాడు. ఆయన గతంలో ఊరు పేరు భైరవకోన, ఎక్కడికి పోతావు చిన్నవాడా, ఒక్క క్షణం, డిస్కో రాజా వంటి సినిమాలు తెరకెక్కించారు. శ్రీనివాస సిల్వర్ స్క్రీన్ బ్యానర్ పై నితిన్ 36 వ సినిమా తెరకెక్కనుంది. ఇది సైన్స్ ఫిక్షన్ మూవీ గా చిత్ర యూనిట్ అధికారికంగా వెల్లడించింది. గతంలో ఎన్నడూ చూడని కథ తో ఇది ప్రేక్షకుల ముందుకు రానుంది అని...త్వరలోనే ఈ సినిమా షూటింగ్ స్టార్ట్ అవుతుంది అని వెల్లడించారు. న్యూ లుక్ తో నితిన్ కొత్త సినిమా ప్రకటన వెలువడింది.