క‌రోనాతో ఆస్ప‌త్రిలో చేరిన క‌ట్ట‌ప్ప‌

స‌త్య‌రాజ్. విల‌క్షణ న‌టుడు. క‌ట్ట‌ప్ప పాత్ర‌తో ఒక్క‌సారిగా దేశ‌వ్యాప్తంగా మ‌రింత పాపుల‌ర్ అయ్యారు. ఇప్పుడు క‌ట్ట‌ప్ప క‌రోనా బారిన ప‌డి ఆస్ప‌త్రిలో చేరారు. ఆయనకు కోవిడ్‌ పాజిటివ్‌గా తేలడంతో కుటుంబ సభ్యులు ఆయన్ను శుక్ర‌వారం సాయంత్రం చెన్న‌య్ లోని ఓ ఆసుపత్రిలో చేర్పించారు. తమిళనాడులో ఒమిక్రాన్‌తో పాటు కరోనా కొత్త కేసులు పెద్ద ఎత్తున వెలుగు చూస్తున్నాయి. దీంతో రాష్ట్రంలో నైట్ కర్ఫ్యూను అమలు చేస్తున్నారు. ఆదివారం నాడు లాక్‌డౌన్‌ను కూడా అమ‌లు చేస్తున్నారు. సినీ ప‌రిశ్ర‌మ‌కు చెందిన ప‌లువురు వ‌ర‌స‌గా ఈ వైర‌స్ బారిన ప‌డుతున్నారు. రెండు డోసుల వ్యాక్సినేష‌న్ పూర్తి చేసుకుని ప‌లు జాగ్ర‌త్త‌లు తీసుకుంటున్నా కూడా వైర‌స్ వ‌ద‌ల‌టం లేదు.