శ్రీశైలం ప్రమాదంపై రేవంత్ అనుమానాలు

శ్రీశైలం విద్యుత్ ప్రాజెక్టు ప్రమాదంపై కాంగ్రెస్ ఎంపీ రేవంత్ రెడ్డి సంచలన వ్యాఖ్యలు చేశారు. ఏపీ సీఎం జగన్ జల దోపిడీకి తెలంగాణ సీఎం కేసీఆర్ సహకరించి, విద్యుత్ ప్రాజెక్టులను చంపేసే కుట్ర జరుగుతోందని తాము ముందే చెప్పామని. ఈ క్రమంలోనే శ్రీశైలం విద్యుత్ కేంద్రంలో ప్రమాదం జరగడం అనుమానాలకు తావిస్తోందని అన్నారు. కుట్రను ప్రమాదం పేరుతో కప్పిపెట్టే ప్రయత్నం జరుగుతుందేమోనని ఆయన అనుమానం వ్యక్తం చేశారు. ఈ ఘటనపై నిజానిజాలు తేలాలంటే సీబీఐ విచారణ జరిపించాలని ఎంపీ రేవంత్‌రెడ్డి డిమాండ్ చేశారు.

అది ప్రమాదవశాత్తు జరిగిందా? లేదంటే కుట్ర ఉందా? అని ప్రభుత్వాన్ని ప్రశ్నించారు. శ్రీశైలం మొదటి యూనిట్‌లో ఓ ప్యానెల్ బోర్డులో షార్ట్ సర్యూట్ కారణంగా మంటలు చెలరేగాయి. పెద్ద పెద్ద పేలుడు శబ్దాలతో మంటలు ఎగిసిపడ్డాయి. పవర్ హౌస్ లోపల దట్టమైన పొగ అలుముకోవడంతో పలువురు టీఎస్ జెన్‌కో ఉద్యోగులు అక్కడే చిక్కుకుపోయారు.