ఏపీ సచివాలయంలో కరోనా టెన్షన్

ఆంధ్రప్రదేశ్ సచివాలయంలో కొత్తగా పది కరోనా పాజిటివ్ కేసులు వెలుగుచూశాయి. దీంతో ఉద్యోగుల్లో టెన్షన్ నెలకొంది. కరోనా కారణంగా పరిమిత సంఖ్యలోనే ఉద్యోగులు విధులకు హాజరవుతున్నా కరోనా టెన్షన్ మాత్రం వీడటం లేదు. తాజాగా చేసిన పరీక్షల్లో ఈ కేసులు వెల్లడయ్యాయి. సచివాలయంలో పది మందికి, అసెంబ్లీలో ఇద్దరు ఉద్యోగులకు కరోనా పాజిటివ్ అని తేలింది.

సచివాలయంలో కరోనా బారిన పడ్డ వారిలో సాగునీటి శాఖలో ముగ్గురు, పశు సంవర్ధక శాఖలో ఒకరు ఈ వైరస్ బారిన పడ్డారు. తాజాగా వెల్లడైన పాజిటివ్ కేసు బాధితులతో సన్నిహితంగా ఉన్న వారందరినీ ఇంటి నుంచే విధులు నిర్వహించాల్సిందిగా ఆదేశించారు.